போளூரில் பட்டா மாறுதல் சிறப்பு முகாம்

போளூர் வட்டம் விளாபாக்கம் கிராமத்தில் மாவட்ட ஆட்சித்தலைவரின் நேர்முக உதவியாளர் (பொது) கணேஷ் தலைமையில் நடைபெற்ற பட்டா மாறுதல் சிறப்பு முகாமில் மொத்தம் 104 மனுக்கள் பெறப்பட்டன.

இதில் 27 பட்டா மாறுதல் மற்றும் 2 முதியோர் உதவித்தொகை ஆகியவற்றுக்கு தீர்வும் அளிக்கப்பட்டது . 2 நபர்களுக்கு முழு புல பட்டா மாறுதல்களும், 2 நபர்களுக்கு மாற்றுத்திறனாளி உதவித்தொகைக்கான ஆணைகளும் வழங்கப்பட்டுள்ளது.

நிகழ்ச்சியில் பாதுகாப்பு திட்ட வட்டாட்சியர் செந்தில்குமார், வட்ட துணை ஆய்வாளர் சரவணன், மண்டல துணை வட்டாட்சியர், சிவலிங்கம், வருவாய் ஆய்வாளர் வேலுமணி, கிராம நிர்வாக அலுவலர்கள் மகாலிங்கம் பொதுமக்கள் என பலர் கலந்து கொண்டனர்.