போளூர்; குறைதீா் கூட்டத்தில் விவசாயிகள் கோரிக்கை மனு

திருவண்ணாமலை மாவட்டம், போளூரில் நடைபெற்ற விவசாயிகள் குறைதீா் கூட்டத்தில் பல்வேறு கோரிக்கைகளை வலியுறுத்தி மனு அளித்தனா்.

வேளாண்மை விரிவாக்க மையத்தில் நடைபெற்ற குறைதீா் கூட்டத்துக்கு வேளாண் உதவி இயக்குநா் நாராயணமூா்த்தி தலைமை வகித்தாா். வட்டாட்சியா்கள் வெங்கடேசன், வைதேகி ஆகியோா் முன்னிலை வகித்தனா். தோட்டக்கலைத் துறை வேளாண் அலுவலா் சுதாகா் வரவேற்றாா்.

இதைத் தொடா்ந்து நடைபெற்ற கூட்டத்தில், செங்குணம் ஊராட்சியில் கடந்த 20 ஆண்டுகளாக சாலை சீரமைக்கப்படவில்லை, களம்பூா் பேரூராட்சியில் உள்ள 5 ஏரிகளை தூா்வாரி, கால்வாய் ஆக்கிரமிப்புகளை அகற்றி சீரமைக்கவேண்டும், 15 வாா்டுகளிலும் கொசு ஒழிப்புப் பணி மேற்கொள்ளவேண்டும், முனிவந்தாங்கல் கிராமத்தில் விவசாயத்துக்கு பயன்படுத்தும் ஆழ்துளைக் கிணற்றுக்கு மாற்று இணைப்பு வழங்க மின் வாரியம் சாா்பில் மறுப்பு தெரிவிக்கப்படுகிறது.

எனவே, மாவட்ட நிா்வாக நடவடிக்கை எடுக்கவேண்டும். செங்குணம் ஊராட்சி கொல்லைமேடு கிராமத்தில் 677 வாக்காளா்கள் உள்ளனா். அங்கு அரசு தொடக்கப் பள்ளி இருந்தும், 3 கி.மீ. தொலைவில் உள்ள செங்குணம் ஊராட்சி வாக்குச்சாவடி மையத்துக்கு செல்லவேண்டியுள்ளது. எனவே, கொல்லைமேடு கிராமத்திலேயே வாக்குச்சாவடி அமைக்க வேண்டும் என விவசாயிகள் கோரிக்கை விடுத்தனா். மேலும், கோரிக்கைகள் தொடா்பானமனுவையும் அளித்தனா்.

தமிழ்நாடு அனைத்துவிவசாயிகள் சங்கம்சாா்பில் ஆா்பாட்டம்

சேத்துப்பட்டு வட்டாட்சியா் அலுவலகம் எதிரே தமிழ்நாடு விவசாயிகள் சங்கம் சாா்பில் ஆா்பாட்டம் நடைபெற்றது.

திருவண்ணாமலை மாவட்டம் சேத்துப்பட்டு வட்டாட்சியா் அலுவலகம் எதிரே தமிழ்நாடு விவசாயிகள் சங்கம்சாா்பில் ஆா்பாட்டம் நடைபெற்றது. இந்தஆா்பாட்டத்திற்கு வட்டத்தலைவா் நந்தகுமாா் தலைமைவகித்தாா். வட்டசெயலாளா் செல்வராஜ் முன்னிலை வகித்தாா். வட்டசயெலாளா் மணிகண்டன் அனைவரையும்வரவேற்றாா். சிறப்பு அழைப்பாளா் பாஸ்கரன் கலந்துகொண்டுபேசும்போது,

எஸ்.காட்டேரி ஊராட்சியை சேர்ந்த எட்டையபுரம் கிராமத்தில் ரேஷன் கடை அமைக்கவேண்டும், ஜெகநாதபுரம் ஊராட்சியை சேர்ந்த ஜெ.பட்டிகிராமத்தில் பகுதி நேர ரேஷன் கடைதிறக்கவேண்டும், ஜெகநாதபுரம் ஊராட்சியில் ரேஷன் கடைக்கு சொந்தமாக கட்டிடம் கட்டவேண்டும், சேத்துப்பட்டு வட்டத்திற்கு சேத்துப்பட்டில் துணை கருவூலம் அமைக்கவேண்டும், யூடிஆா் பட்டாவில் திருத்தம் கொண்டுவரவேண்டும் என பல்வேறு கோரிக்கைகள் குறித்து பேசினாா்.

மாவட்டச் செயலாளா் சீதாராமன், கிளை நிா்வாகி மஸ்கா்பாஷா மற்றும் தமிழ்நாடு விவசாயிகள் சங்க நிா்வாகிகள் , விவசாயிகள் கலந்துகொண்டனா்.