பால் உற்பத்தியாளர்கள் கூட்டுறவு சங்க உறுப்பினர்களுக்கு ஊக்கத்தொகை!

கீழ்பெண்ணாத்தூர் அடுத்த சோமாசிபாடி பால் உற்பத்தியாளர்கள் கூட்டுறவு சங்கத்தில் உறுப்பினர்களுக்கு ஊக்கத்தொகையை சட்டப்பேரவை துணை சபாநாயகர் பிச்சாண்டி வழங்கினார்.

திருவண்ணாமலை மாவட்டம் கீழ்பெண்ணாத்தூர் அடுத்த சோமாசிபாடி பால் உற்பத்தியாளர்கள் கூட்டுறவு சங்கத்தில் உறுப்பினர்களுக்கு 2023 ஆம் ஆண்டிற்கான ஊக்கத்தொகை வழங்கும் விழா தனியார் திருமண மண்டபத்தில் நடைபெற்றது. விழாவிற்கு மாவட்ட கவுன்சிலர் ஆறுமுகம் தலைமை தாங்கினார்.

திருவண்ணாமலை ஆவின் பொது மேலாளர் அமர வாணி அனைவரையும் வரவேற்றார். ஆவின் மேலாளர்கள் சுகன்யா, பால் உற்பத்தி மற்றும் பால் சேகரிப்பு குழு உறுப்பினர் காளியப்பன், அட்மா குழு தலைவர் சிவக்குமார், ஊராட்சி மன்ற தலைவர் ஏழுமலை ஆகியோர் முன்னிலை வகித்து பேசினார்.

விழாவில் சிறப்பு விருந்தினராக துணை சபாநாயகர் பிச்சாண்டி கலந்து கொண்டு பால் உற்பத்தியாளர்கள் சங்கத்தின் உறுப்பினர்கள் 734 பேருக்கு ரூபாய் 8 லட்சத்திற்கான ஊக்கத் தொகையினை வழங்கியும் சிறந்த முறையில் பால் விநியோகம் செய்ததற்கு பாராட்டியும் , மேன்மேலும் பால் உற்பத்தியை பெருக்குவதால் அனைவருக்கும் வருமானத்தை பெருக்கிக் கொள்ள வழி வகுக்கும் எனக் கூறி தனது பால் உற்பத்தியாளர்கள் கூட்டுறவு சங்க உறுப்பினர்களுக்கு வாழ்த்துக்களை தெரிவித்துக் கொண்டார்.

இவ்விழாவில் சங்க தனி அலுவலரும் செயல் அலுவலருமான தமிழரசி, விரிவாக்க அலுவலர் சரவணன், ஊராட்சி மன்ற முன்னாள் துணைத் தலைவர் மணிகண்டன், ஒன்றிய கவுன்சிலர்கள் ஹரிபாலன், விஜயசேகர் மற்றும் கிளை செயலாளர்கள், ஒன்றிய கவுன்சிலர்கள், பால் உற்பத்தியாளர்கள், கூட்டுறவு சங்க உறுப்பினர்கள் , உள்ளாட்சி பிரதிநிதிகள், கிராம பொதுமக்கள் கலந்து கொண்டனர் விழாவின் முடிவில் பால் உற்பத்தியாளர்கள் சங்க செயலாளர்கள் ரவிச்சந்திரன் நன்றி கூறினார்.