செய்யாறு கூட்டுறவு சா்க்கரை ஆலையில் கரும்பு அரவை தொடக்கம்
செய்யாறு கூட்டுறவு சர்க்கரை ஆலையில் கரும்பு அரவையை தொடங்கி வைத்த எம் எல் ஏ ஜோதி
திருவண்ணாமலை மாவட்டம், செய்யாறை அடுத்த தென்தண்டலம் கிராமத்தில் அமைந்துள்ளது செய்யாறு கூட்டுறவு சா்க்கரை ஆலை.1988 -ல் தொடங்கப்பட்ட இந்த ஆலை தென்கிழக்கு ஆசியாவிலேயே இரண்டாவது பெரிய ஆலையாகும்.தொடா்ந்து 34 - ஆவது ஆண்டாக கரும்பு அரைவை தொடக்க விழா சா்க்கரை ஆலையில் நடைபெற்றது.
விழாவிற்கு தலைமைக் கரும்பு அலுவலா் கோவிந்தராஜ் முன்னிலை வகித்தாா். அலுவலக மேலாளா் கே.கண்ணன் அனைவரையும் வரவேற்றாா். 2023 - 24 ஆண்டுக்கான கரும்பு அரவை சிவாச்சாரியா்கள் வேத மந்திரம் முழங்க யாகம் வளா்த்து தொடங்கப்பட்டது. இதில் சிறப்பு அழைப்பாளா்களாக திருவண்ணாமலை வடக்கு மாவட்ட தி.மு.க. செயலாளா் தரணிவேந்தன், செய்யாறு எம்.எல்.ஏ. ஜோதி ஆகியோா் கலந்து கொண்டு கரும்பு அரவையை தொடங்கி வைத்தனா்.
சா்க்கரை ஆலை மேலாண்மை இயக்குனா் காமாட்சி நாளொன்றுக்கு சராசரியாக 2,500 டன் கரும்பு அரவை செய்ய திட்டமிடப்பட்டு, மொத்தத்தில் சுமாா் 2.50 லட்சம் டன் கரும்பு அரவை செய்ய இலக்கு நிா்ணயிக்கப்பட்டு உள்ளதாக தெரிவித்தாா்.
நிகழ்ச்சியில் மாவட்ட துணைச் செயலாளா் (தி.மு.க) லோகநாதன், அனக்காவூா் ஒன்றியக் குழுத் தலைவா் திலகவதி ராஜ்குமாா், தென்தண்டலம் ஊராட்சி மன்றத் தலைவா் முருகன், ஒன்றியச் செயலாளா்கள் சீனுவாசன், ரவிகுமாா் மற்றும் ஆலை அலுவலா்கள், கரும்பு விவசாயிகள் என பலா் கலந்து கொண்டனா்.
அரசுக் கட்டடங்கள் கட்ட பூமி பூஜை
செய்யாறு ஒன்றியம், திருவத்திபுரம் நகராட்சி உள்ளிட்ட நான்கு இடங்களில் ரூ.1.73 கோடியில் புதிய கட்டடங்கள் கட்டுவதற்கான பூமி பூஜை நடைபெற்றது.
செய்யாறு ஒன்றியம், காழியூா் கிராமத்தில் துணை சுகாதார நிலையத்திற்கு கூடுதல் கட்டடம் கட்ட ரூ.38 லட்சம், திருவத்திபுரம் நகராட்சி 21-ஆவது வாா்டு டாக்டா் அம்பேத்கா் நகரில் துணை சுகாதார நிலையம் அமைக்க ரூ.1.20 கோடி நிதி ஒதுக்கீடு செய்யப்பட்டிருந்தது.
அதேபோல, சட்டப்பேரவை உறுப்பினா் தொகுதி மேம்பாட்டு நிதியில் இருந்து, பாப்பந்தாங்கல் அரசு உயா்நிலைப் பள்ளியில் ரூ.5 லட்சத்தில் சுற்றுச் சுவா், செய்யாறு அரசு மகளிா் மாதிரி மேல்நிலைப் பள்ளியில் கலையரங்கம் அமைக்க ரூ.10 லட்சம் என நிதி ஒதுக்கீடு செய்யப்பட்டிருந்தது.
இந்த புதிய கட்டடங்கள் கட்ட நடைபெற்ற பூமி பூஜை நிகழ்ச்சிக்கு திருவத்திபுரம் நகா்மன்றத் தலைவா் மோகனவேல், மாவட்ட ஊராட்சித் தலைவா் பாா்வதி சீனிவாசன் ஆகியோா் தலைமை வகித்தனா்.
தி.மு.க. நகரச் செயலாளர் விஸ்வநாதன், ஒன்றியச் செயலா் ஞானவேல் ஆகியோா் முன்னிலை வகித்தனா்.
சிறப்பு விருந்தினராக தொகுதி எம்.எல்.ஏ. ஜோதி பங்கேற்று பூமி பூஜை செய்து பணிகளை தொடங்கிவைத்தாா்.
நிகழ்ச்சியில் நகா்மன்ற துணைத் தலைவா் பேபிராணி பாபு, உறுப்பினா்கள் , ஊராட்சி மன்றத் தலைவா்கள் உள்ளிட்ட பலா் கலந்து கொண்டனா்.
