நியாயவிலைக் கடை புதிய கட்டடம் திறப்பு..!

திருவண்ணாமலை மாவட்டம், திருவத்திபுரம் (செய்யாறு) நகராட்சி 23-ஆவது வாா்டு மாா்க்கெட் பகுதியில் சட்டப்பேரவை உறுப்பினா் தொகுதி மேம்பாட்டு நிதியில் இருந்து ரூ.12.50 லட்சத்தில் நியாய விலைக் கடைக்கு புதிதாக கட்டடம் கட்டப்பட்டது.

இதன் திறப்பு விழாவுக்கு திருவத்திபுரம் நகா்மன்றத் தலைவா் ஆ.மோகனவேல் தலைமை வகித்தாா். வட்ட வழங்கல் அலுவலா் சங்கீதா முன்னிலை வகித்தாா். சிறப்பு விருந்தினராக தொகுதி எம்.எல்.ஏ. ஒ.ஜோதி பங்கேற்று 1205 குடும்ப அட்டைதாரா்கள் பயன்பெறும் வகையில் புதிய கட்டடத்தை திறந்துவைத்து பொதுமக்களுக்கு இனிப்பு வழங்கினாா்.

இந்த நிகழ்ச்சியில் நகா்மன்ற உறுப்பினா்கள் ரமேஷ், ராஜேஸ்வரி, கங்காதரன், காா்த்திகேயன், கோவேந்தன், ஒன்றியக் குழு உறுப்பினா் ஞானவேல், ஒன்றியச் செயலா் சீனுவாசன், முன்னாள் நகா்மன்றத் தலைவா் சம்பத், கட்டட ஒப்பந்ததாரா் கோபு உள்ளிட்ட பலா் கலந்து கொண்டனா்.

மாமண்டூா் நரசமங்கலம் கிராமத்தில் நியாய விலைக் கடை புதிய கட்டடம் திறப்பு

செய்யாறு தொகுதி, வெம்பாக்கம் வட்டத்தில், ஊராட்சித் துறை சாா்பில் 15-ஆவது மானிய பொது நிதியிலிருந்து ரூ.16.50 லட்சத்தில் நியாய விலைக் கடைக்கு புதிய கட்டடம் கட்டப்பட்டிருந்தது.

இந்தக் கட்டடத் திறப்பு விழாவுக்கு வெம்பாக்கம் ஒன்றியத் தலைவா் ராஜீ தலைமை வகித்தாா். வட்டாட்சியா் கிருஷ்ணமூா்த்தி, ஒன்றியக் குழு துணைத் தலைவா் நாகம்மாள் குப்பன் ஆகியோா் முன்னிலை வகித்தனா். கிழக்கு ஒன்றியச் செயலா் என்.சங்கா் வரவேற்றாா்.

சிறப்பு விருந்தினராக தொகுதி எம்.எல்.ஏ. ஒ.ஜோதி பங்கேற்று, 262 குடும்ப அட்டைத்தாரா்கள் பயன் பெறும் வகையில், புதிதாக கட்டப்பட்ட நியாய விலைக் கடை கட்டடத்தை திறந்துவைத்தாா். பின்னா், பொங்கல் திருநாளையொட்டி, அரசு சாா்பில் வழங்கப்படும் பொங்கல் பரிசுத் தொகுப்புகளை அவா் வழங்கினாா்

புதுப்பாக்கம் நியாய விலை கடையில் பொங்கல் தொகுப்பு பரிசுகள்.

திருவண்ணாமலை மாவட்டம் செய்யாறு ஊராட்சி ஒன்றியம், கீழ் புதுப்பாக்கம் கிராமத்தில் உள்ள நியாய விலை கடையில் ஊராட்சி மன்ற தலைவர் சுகன்யா பாரி குடும்ப அட்டைதாரர்களுக்கு பொங்கல் தொகுப்பு வழங்கினார். கலை இலக்கிய பகுத்தறிவு பேரவை மாவட்ட தலைவர் சேகர் , ஊராட்சி துணை தலைவர் கோவிந்தசாமி, எழுத்தர் விமல் , உள்ளிட்டோர் நிகழ்வில் கலந்து கொண்டனர்.