திருவண்ணாமலை மாவட்டத்தில் போதை பொருள் ஒழிப்பு விழிப்புணர்வு மினி மாரத்தான் போட்டி

திருவண்ணாமலை மாவட்டத்தில் போதை பொருள் ஒழிப்பு தினத்தையொட்டி, பள்ளி மாணவ-மாணவிகள் பங்கேற்ற மினி மராத்தான் போட்டி, நடைபெற்றது.

போதைப் பொருள் ஒழிப்பு தினத்தை முன்னிட்டு திருண்ணாமலை மாவட்ட காவல் துறை சார்பில் நேற்று திருவண்ணாமலையில் மினி மாரத்தான் நடத்தப்பட்டது. போட்டியை மாவட்ட எஸ்பி கார்த்திகேயன் தலைமை தாங்கி கொடியசைத்து தொடங்கி வைத்தார்.இப்போட்டியானது திருவண்ணாமலை கிரிவலப்பாதையில் உள்ள அண்ணா நுழைவு வாயில் அருகில் தொடங்கி 3 கிலோ மீட்டர் தொலைவில் உள்ள அபய மண்டபம் வரை சென்று முடிவடைந்தது.

போட்டியில் பள்ளி மாணவ, மாணவிகள் மற்றும் போலீசார் கலந்து கொண்டனர். போட்டியில் முதல் 3 இடத்தை பிடித்த மாணவ, மாணவிகளுக்கு மாவட்ட எஸ்பி பரிசுகளை வழங்கி வெகுவாக பாராட்டினார். பின்னர் அவரது தலைமையில் போதைப்பொருள் ஒழிப்பு குறித்து உறுதிமொழி எடுத்துக் கொண்டு மாணவ, மாணவிகள் கையொப்பமிட்டனர்.இதில், மாவட்ட இணைய குற்றத் தடுப்புப் பிரிவு கூடுதல் காவல் கண்காணிப்பாளா் பழனி, திருவண்ணாமலை நகர டிஎஸ்பி குணசேகரன், மதுவிலக்கு அமலாக்கப் பிரிவு டிஎஸ்பி ரமேஷ்ரோஜ் மற்றும் காவலா்கள் கலந்து கொண்டனா்.

வந்தவாசி

வந்தவாசியில் காவல் துறை சாா்பில் நடைபெற்ற இந்த விழிப்புணா்வுப் பேரணியை, தெற்கு காவல் உதவி ஆய்வாளா் ராமு தொடங்கிவைத்தாா். சிறப்பு உதவி ஆய்வாளா் பாபு முன்னிலை வகித்தாா்.வட்டாட்சியா் அலுவலகத்தில் தொடங்கிய பேரணியில் ஸ்ரீஅகிலாண்டேஸ்வரி மகளிா் கல்லூரி மற்றும் தென்னாங்கூா் அரசு கலை, அறிவியல் கல்லூரி மாணவிகள் மற்றும் கல்லூரி நாட்டு நலப்பணித் திட்ட அலுவலா்கள் உள்ளிட்டோா் பங்கேற்றனா்.

செய்யாறு

செய்யாறு அரசு ஆண்கள் மேல்நிலைப் பள்ளியில் நடைபெற்ற விழிப்புணா்வுப் பேரணிக்கு தலைமை ஆசிரியா் ஜெயகாந்தன் தலைமை வகித்தாா். பெற்றோா் ஆசிரியா் கழகத் தலைவா் அசோக், முதுநிலை ஆசிரியா் குமரவேல், உடல்கல்வி இயக்குநா் சூரியநாராயணன் ஆகியோா் முன்னிலை வகித்தனா். டி.எஸ்.பி.வெங்கடேசன் பேரணியைத் தொடங்கிவைத்துப் பேசினாா்.பேரணியில் உடல்கல்வி ஆசிரியா்கள் மற்றும் மாணவா்கள் கலந்து கொண்டனா்.

ஆரணி

ஆரணியில் நகர காவல் நிலையம் சாா்பில் நடைபெற்ற விழிப்புணா்வுப் பேரணியில் அரசு ஆண்கள் மேல்நிலைப் பள்ளி, அரசு பெண்கள் மேல்நிலைப் பள்ளி மாணவ, மாணவிகள் கலந்து கொண்டனா்.

மண்டல துணை வட்டாட்சியா்கள் சங்கீதா, தனபால், , நகர காவல் ஆய்வாளா் சுப்பிரமணியன், உதவி ஆய்வாளா்கள் சுந்தரேசன், மகேந்திரன், கிருஷ்ணமூா்த்தி, கிராமிய காவல் உதவி ஆய்வாளா் ஷாபுதீன் ஆகியோா் முன்னிலை வகித்தனா்.

பள்ளித் தலைமை ஆசிரியா்கள் தாமரைச்செல்வி, வசந்தா, வட்டாரக் கல்வி அலுவலா் கமலக்கண்ணன் ஆகியோா் வரவேற்றனா்.சிறப்பு அழைப்பாளா்களாக கோட்டாட்சியா் தனலட்சுமி, டிஎஸ்பி ரவிச்சந்திரன் ஆகியோா் கலந்து கொண்டு பேரணியை தொடங்கிவைத்தனா். மேலும், பள்ளி மாணவ, மாணவிகளிடையே போதைப்பொருள் ஒழிப்பு தினம் குறித்து பேச்சுப் போட்டி, கட்டுரைப் போட்டி, ஓவியப் போட்டி நடத்தப்பட்டு அதில் தோ்வானவா்களுக்கு காவல்துறை சாா்பில் பரிசுகள் வழங்கப்பட்டன. மேலும் மாணவா்களுக்கும் ஊக்கப் பரிசும் வழங்கப்பட்டது.

செங்கம்

செங்கத்தில் தோக்கவாடி பகுதியில் இருந்து விழிப்புணா்வுப் பேரணியை டிஎஸ்பி தேன்மொழிவேல் தொடங்கிவைத்தாா்.பேரணியில் செங்கம் அரசு ஆண்கள் மேல்நிலைப் பள்ளி, மகரிஷி மேல்நிலைப் பள்ளி, பாரத் மேல்நிலைப் பள்ளி, விவேகானந்தா மெட்ரிக் மேல்நிலைப் பள்ளி உள்ளிட்ட 100-க்கும் மேற்பட்ட அரசு, தனியாா் பள்ளி மாணவா்கள் பங்கேற்றனா். பின்னா், மில்லத் நகா் பகுதியில் உள்ள பாரத் மெட்ரிக் மேல்நிலைப் பள்ளியில் மாணவா்களுக்கான விழிப்புணா்வுக் கூட்டம் நடைபெற்றது. இதில், டிஎஸ்பி கலந்து கொண்டு பேசினாா்.