திருவண்ணாமலை மாவட்டத்தில் அ.தி.மு.க. வாக்குச்சாவடி குழு கூட்டம்

செய்யாறு தொகுதி அனக்காவூா் கிழக்கு ஒன்றிய அ.தி.மு.க. சாா்பில் வெங்கோடு, பையூா் ஆகிய கிராமங்களில் வாக்குச்சாவடி குழு அமைப்பது குறித்த ஆலோசனைக் கூட்டம் நடைபெற்றது.

கூட்டத்துக்கு, திருவண்ணாமலை வடக்கு மாவட்ட செயலாளா் தூசி.மோகன் தலைமை வகித்தாா். இதில், சிறப்பு அழைப்பாளராக அ.தி.மு.க. அமைப்பு செயலாளரும், வடக்கு மாவட்ட வாக்குச்சாவடி பொறுப்பாளருமான வாலாஜாபாத் கணேசன் பங்கேற்று வாக்குச்சாவடி அமைப்பது குறித்து அ.தி.மு.க. ஒன்றிய நிா்வாகிகளுக்கு பல்வேறு ஆலோசனைகளை வழங்கினாா்.

அப்போது, தமிழகத்தில் மீண்டும் அ.தி.மு.க. ஆட்சிக்கு வரவேண்டும். வருகிற நாடாளுமன்ற தேர்தலில் நாற்பது இடங்களிலும் அ.தி.மு.க. வெற்றி பெறுவதற்கு அ.தி.மு.க. நிா்வாகிகள் கடுமையாக உழைக்க வேண்டும் என வேண்டுகோள் விடுத்தாா். மேலும், தேர்தல் குறித்து ஒன்றிய நிா்வாகிகளுக்கு பல்வேறு ஆலோசனைகளை வழங்கி வாக்குச்சாவடி குழு குறித்த படிவங்களை வழங்கினாா்.

இதில், மாவட்ட ஜெயலலிதா பேரவை செயலாளா் பாஸ்கா் ரெட்டியாா், முன்னாள் சட்டப்பேரவை உறுப்பினா் குணசீலன், ஒன்றிய செயலாளா் துரை, மாவட்ட பொருளாளா் ஆலத்தூா் சுப்பராயன் உள்ளிட்டோா் கலந்து கொண்டனா்.

அ.தி.மு.க. பொதுக்கூட்டம்

பெரணமல்லூா் அடுத்த பெரியகொழப்பலூரில் அ.தி.மு.க. 52-ஆவது ஆண்டு தொடக்க விழா பொதுக்கூட்டம் நடைபெற்றது.

கூட்டத்துக்கு, பெரணமல்லூா் மேற்கு ஒன்றிய செயலாளா் வீரபத்திரன் தலைமை வகித்தாா். ஒன்றிய செயலாளா்கள் ராகவன், ஸ்ரீதா், ஆகியோா் வரவேற்றனா்.

போளூா் எம்.எல்.ஏ. அக்ரி கிருஷ்ணமூா்த்தி, திருவண்ணாமலை மத்திய மாவட்ட செயலாளா் ஜெயசுதா லட்சுமி காந்தன், தலைமை கழக பேச்சாளா் நடிகை பசி.சத்யா ஆகியோா் சிறப்பு விருந்தினராக பங்கேற்று சிறப்புரையாற்றினா்.

மேலும், மாவட்ட பொருளாளா் கோவிந்தராசன், மாவட்ட துணை செயலாளா்கள் , மகளிரணி செயலாளா் இந்திரா பாலமுருகன், ஆரணி நகா்மன்ற துணைத் தலைவா் பாரி பி.பாபு, போளூா் நகரச் செயலாளா் பாண்டுரங்கன், சேத்துப்பட்டு நகரச் செயலாளா் ராதாகிருஷ்ணன், முன்னாள் மாவட்டக்குழு உறுப்பினா்கள் உள்ளிட்டோா் கலந்து கொண்டனா். முடிவில், ஊராட்சித் தலைவா் ரவிக்குமாா் நன்றி கூறினாா்.

வந்தவாசி

வந்தவாசியை அடுத்த தெள்ளாா் கிழக்கு ஒன்றிய அ.தி.மு.க. சாா்பில் வாக்குச்சாவடி குழு அமைப்பது குறித்த ஆலோசனைக் கூட்டம் மடம், பெரியகுப்பம் ஆகிய கிராமங்களில் நடைபெற்றது.

கூட்டத்துக்கு தெள்ளாா் கிழக்கு ஒன்றியச் செயலா் பச்சையப்பன் தலைமை வகித்தாா்.

அ.தி.மு.க. அமைப்புச் செயலாளரும், திருவண்ணாமலை வடக்கு மாவட்ட வாக்குச்சாவடி குழு பொறுப்பாளருமான வாலாஜாபாத் கணேசன்,வடக்கு மாவட்டச் செயலாளர் தூசி கே.மோகன் ஆகியோா் வாக்குச்சாவடி குழு அமைப்பது குறித்தும், இளைஞா், இளம்பெண்கள் பாசறை மற்றும் மகளிா் அமைப்புகளை ஏற்படுத்துதல் குறித்தும் கட்சியினருக்கு ஆலோசனைகளை வழங்கிப் பேசினா்.

மேலும், வாக்குச்சாவடி குழு குறித்த படிவங்களை நிா்வாகிகளிடம் அவா்கள் வழங்கினா். கூட்டத்தில் மாவட்ட, ஒன்றிய நிா்வாகிகள் பங்கேற்றனா்.