பெரியாா் நினைவு சமத்துவபுரத்தில் சமத்துவப் பொங்கல் விழா: அமைச்சா் பங்கேற்பு

திருவண்ணாமலை மாவட்டம், தண்டராம்பட்டு ஊராட்சி ஒன்றியம், சே.கூடலூா் ஊராட்சியில் உள்ள பெரியாா் நினைவு சமத்துவபுரத்தில் சமத்துவப் பொங்கல் விழா நடைபெற்றது.

விழாவுக்கு மாவட்ட ஆட்சியா் முருகேஷ் தலைமை வகித்தாா். சட்டப்பேரவை துணைத் தலைவா் கு.பிச்சாண்டி முன்னிலை வகித்தாா்.

சிறப்பு விருந்தினராக தமிழக பொதுப் பணித் துறை அமைச்சா் எ.வ.வேலு கலந்து கொண்டு பொங்கல் வைத்து விழாவை தொடங்கிவைத்தாா்.

அப்போது அவா் பேசியதாவது:

திருவண்ணாமலை மாவட்ட நிா்வாகம் சாா்பில் பெரியாா் சமத்துவபுரத்தில் தை திருநாளாம், பொங்கல் திருநாளையொட்டி, சமத்துவப் பொங்கல் விழா கொண்டாடப்படுகிறது.

முன்னாள் முதல்வா் கருணாநிதியின் எண்ணத்தில் உதித்த முத்தான திட்டம்தான் பெரியாா் சமத்துவபுரம் திட்டமாகும். தற்போது, முதல்வராக இருக்கும் மு.க.ஸ்டாலின் உள்ளாட்சித் துறை அமைச்சராக இருந்த சமயத்தில்தான் இந்தத் திட்டம் தமிழகம் முழுவதும் செயல்படுத்தப்பட்டது.

அனைத்துத் தரப்பு மக்களும் சமம் என்றும், சமமாக நடத்தப்பட வேண்டும் என்ற உன்னத நோக்கத்தில் தான் இந்தத் திட்டம் செயல்படுத்தப்பட்டது. திருவண்ணாமலை மாவட்டத்தில் தற்போது 6 பெரியாா் சமத்துவபுரங்கள் உள்ளன.

தமிழ் சமுதாயத்தின் அடையாளமாக இருக்கும் பாரம்பரிய நாட்டுப்புற நடனம் மற்றும் பாடல்களை ஊக்குவிக்க முதல்வா் சிறப்பான நடவடிக்கைகளை மேற்கொண்டு வருகிறாா் . தற்போது ஸ்டாலின் தலைமையில் தமிழர்களின் ஆட்சி நடைபெற்று கொண்டிருக்கும் இந்த வேலையில் நம் வீட்டில் பிறக்கும் குழந்தைகளுக்கு கண்டிப்பாக தமிழ் பெயர் சூட்டுவோம் என்று இந்த தைத்திங்கள் நாளில் உறுதி ஏற்போம் என அமைச்சா் பேசினார்.

இதைத் தொடா்ந்து, பாரம்பரிய கலை நிகழ்ச்சிகள், நாடகங்கள் என பல்வேறு நிகழ்ச்சிகள் நடைபெற்றன.

விழாவில் கூடுதல் ஆட்சியா் ரிஷப், மாவட்ட வருவாய் அலுவலா் பிரியதா்ஷினி, மாநில தடகள சங்கத்தின் துணைத் தலைவா் எ.வ.வே.கம்பன், செய்யாறு கூட்டுறவு சா்க்கரை ஆலை இயக்குநா் தரணிவேந்தன், அண்ணாதுரை எம்.பி., எம்எல்ஏக்கள் கிரி, அம்பேத்குமாா், சரவணன், ஜோதி, தண்டராம்பட்டு ஊராட்சி ஒன்றியக் குழுத் தலைவா் பரிமளா கலையரசன், திருவண்ணாமலை ஒன்றியக் குழு துணைத் தலைவா் ரமணன், சே.கூடலூா் ஊராட்சி மன்றத் தலைவா் ஜெயேஸ்வரி சக்கரவா்த்தி, உள்ளாட்சிப் பிரதிநிதிகள் மற்றும் அரசு அலுவலா்கள், பொதுமக்கள் கலந்து கொண்டனா்.