எடப்பாடி பழனிசாமி பிறந்த நாளையொட்டி காளிகாம்பாள் ஆலயத்தில் சிறப்பு வழிபாடு
அதிமுக பொதுச்செயலாளரும், முன்னாள் தமிழக முதலமைச்சரும், இந்நாள் சட்டமன்ற பேரவை எதிர்க்கட்சித் தலைவருமான எடப்பாடி பழனிச்சாமியின் 70 வது பிறந்த தினத்தை முன்னிட்டு பழவேற்காட்டில் உள்ள அருள்மிகு காளிகாம்பாள் ஆலயத்தில் சிறப்பு வழிபாடு நடைபெற்றது.
திருவள்ளூர் வடக்கு மாவட்டம்,மீஞ்சூர் ஒன்றியத்துக்கு உட்பட்ட பழவேற்காட்டில் எழுந்தருளியிலுள்ள ஸ்ரீ காளிகாம்பாள் திருக்கோயிலில் தமிழ்நாடு முன்னாள் முதலமைச்சரும், கழகப் பொதுச் செயலாளரும், தமிழ்நாடு சட்டப்பேரவை எதிர்க்கட்சித் தலைவருமான எடப்பாடி பழனிச்சாமியின் 70வது பிறந்த தினத்தை முன்னிட்டு சிறப்பு அபிஷேகம் மற்றும் அன்னதானம் வழங்கும் நிகழ்ச்சி நடைபெற்றது.
திருவள்ளூர் வடக்கு மாவட்ட கழக இணைச் செயலாளரும் ஒன்றிய குழு உறுப்பினருமான சுமித்ரா குமார் ஏற்பாட்டில் நடைபெற்ற இந்த நிகழ்ச்சியில் அன்னை காளிகாம்பாள் திருக்கோயிலில் அம்பாளுக்கு சிறப்பு அபிஷேகமும் ஆராதனையும் நடைபெற்றது. பின்னர் தியான மண்டபத்தில் நடைபெற்ற வழிபாட்டில் எடப்பாடியார் உடல் நலம்,நீள் ஆயுள் குறித்து சிறப்பு தியானம் நடைபெற்றது.
பின்பு ஆலயத்தின் முன்பு பிறந்தநாள் கேக் வெட்டப்பட்டு பக்தர்களுக்கும் பொது மக்களுக்கும் அன்னதானம் வழங்கப்பட்டது. இதில் இந்து,முஸ்லிம்,கிறிஸ்தவம் உள்ளிட்ட அனைத்து மதத்தினர் கலந்து கொண்டு எடப்பாடியார் நூறாண்டு காலம் வாழ வேண்டி பிரார்த்தனை செய்தனர்.
இந்த நிகழ்ச்சியில் மீஞ்சூர் ஒன்றிய கழக செயலாளர் நாலூர் முத்துக்குமார்,பொன்னேரி நகரச் செயலாளர் செல்வகுமார், மாவட்ட மகளிர் அணி இணைச் செயலாளரும் ஒன்றிய குழு உறுப்பினருமான செல்வழகி எர்ணாவூரான்,மாவட்ட மீனவர் பிரிவு துணைச் செயலாளர்கள் கஜேந்திரன்,பிரபாகரன்,மாவட்ட எம்.ஜி.ஆர். இளைஞர் அணி இணை செயலாளர் தேசப்பன்,மாவட்ட மாணவரணி துணை செயலாளர் ஸ்ரீதர்,மீஞ்சூர் ஒன்றிய மீனவர் அணி செயலாளர் கே.பி.தேசராஜ் மற்றும் பழவேற்காடு பகுதி நிர்வாகிகள் முத்து, சீனிவாசன், செட்டியாரம்மா,யாசின்,பி.எஸ்.பழனியப்பன்,கூனங்குப்பம் ஜி.கே.மதியழகன்,லைட் ஹவுஸ் சின்னண்ணாதோணிரேவு ஜோதி,முனிவேல் மற்றும் கூனங்குப்பம்,திருமலை நகர்,எஸ்.பி.குப்பம்,கோட்டை குப்பம்,ஆண்டிக்குப்பம்,நடுவூர்மாதாகுப்பம், அம்பேத்கர் நகர்,எடமணி,இடையன்குளம், உள்ளிட்ட கிராமங்களைச் அதிமுக நிர்வாகிகள் உட்பட பலர் கலந்து கொண்டனர்.
