பொன்னேரி: திருவேங்கடபுரத்தில் மின்சாரம் தாக்கி சென்ட்ரிங் ஊழியர் பலி!

திருவள்ளூர் மாவட்டம் பொன்னேரியை அடுத்த ஆம்பூர் கிராமத்தில் வசித்துவரும் லதீபா என்பவரின் கணவர் நிஜாமுதீன். (29) . இவர் சென்ட்ரிங் வேலை செய்து வந்துள்ளார்.

சம்பவத்தன்று தடபெரும்பக்கம் அருகே திருவேங்கடபுரத்தில் கணேஷ் என்பவரின் வீட்டில் வேலை செய்துகொண்டிருந்தார். அப்போது, மாடியில் கம்பிகளில் இழுந்து போடும் போது அருகில் உள்ள மின் கம்பியில் உரசியதால் மின்சாரம் தாக்கி தூக்கி வீசப்பட்டார்.

உடனடியாக அவரை அங்கிருந்தவர்கள் மீட்டு பொன்னேரி அரசு மருத்துவமனைக்கு கொண்டு சென்றனர். அவரை மருத்துவர்கள் பரிசோதனை செய்ததில் அவர் ஏற்கனவே இறந்து விட்டதாக தெரிவித்தனர்.அவரது உடலை பிரேத பரிசோதனைக்காக அனுப்பி வைத்தனர். இதுகுறித்து பொன்னேரி போலீசார் வழக்குப் பதிவு செய்து விசாரணை மேற்கொண்டு வருகின்றனர்.