பழவேற்காட்டில் நடிகர் விஜய் மக்கள் இயக்கம் சார்பில் நூலகம் திறப்பு

பழவேற்காடு தோனிரவு கிராமத்தில் நடிகர் விஜய்யின் மக்கள் இயக்கம் சார்பில் புதியநூலகம் திறப்பு விழா நடைபெற்றது.

திருவள்ளூர் மாவட்டம், பொன்னேரி தொகுதி பழவேற்காடு பகுதி தோனிரவு கிராமத்தில் சுமார் 2000க்கும் மேற்பட்ட மக்கள் வசித்து வருகின்றனர். இப்பகுதி மக்கள் படித்து பயன்பெறும் வகையில் நடிகர் விஜய்யின் மக்கள் இயக்கம் சார்பில் புதிய நூலகம் திறப்பு விழா நடைபெற்றது. விழாவில் பொன்னேரி தொகுதி தலைவர் எம்.சிலம்பரசன் நிகழ்ச்சி ஏற்பாடு செய்து அனைவரையும் வரவேற்றார். இதில் சிறப்பு அழைப்பாளராக திருவள்ளூர் மாவட்ட பொறுப்பாளர் எஸ். விஜயகுமார் கலந்து கொண்டு நூலகத்தை திறந்து வைத்து சிறப்புரையாற்றினார்.

இப்பகுதியில் வசித்துவரும் அனைவரும் நம்முடைய சகோதர,சகோதரிகள், நம்முடைய குடும்பம் எனவும் அவர்களின் முன்னேற்றமே நமது வெற்றியாகும் என்றும், குழந்தைகள் முதல் பெரியோர்கள் வரை இந்த நூலகத்தை நல்ல முறையில் பயன்படுத்திட வேண்டும் என்று பேசினார். இதில் மீஞ்சூர் கிழக்கு ஒன்றிய செயலாளர் தோனிரவு ஸ்ரீதர், மீஞ்சூர் கிழக்கு ஒன்றிய தலைவர் சலீம், பொன்னேரி நகரத் தலைவர் கோபி உள்ளிட்ட திரளான பொதுமக்கள் கலந்து கொண்டனர்.