பொன்னேரி அருகே கிறிஸ்துமஸ் விழா கொண்டாட்டம்
சோழவரம் அருகே கிறிஸ்துமஸ் விழா கொண்டாட்டம். திரைப்பட நடிகர் ரமேஷ்கண்ணா பங்கேற்று சிறுவர் சிறுமியர்க்கு பரிசுகளை வழங்கினார் .
திருவள்ளூர் மாவட்டம், பொன்னேரி அடுத்த பெருங்காவூரில் தனியார் அறக்கட்டளை சார்பில் கிறிஸ்துமஸ் விழா வெகுவிமரிசையாக நடைபெற்றது.
அறக்கட்டளையின் நிறுவனர் பிஷப் தயா பத்ரா தலைமையில் நடைபெற்ற இவ்விழாவில், நடிகரும் இயக்குனருமான ரமேஷ்கண்ணா சிறப்பு அழைப்பாளராக பங்கேற்றார்.
விழாவில் பேசிய அவர், வாழ்க்கையில் எவ்வளவோ கஷ்டங்களை அனுபவித்த தனக்கு கடவுள் அருளால் தான் ஒரே இரவில் பணமும் புகழும் கிடைத்தது என குறிப்பிட்டார். எவ்வளவு கஷ்டம் வந்தாலும் கடவுளை பிரார்த்திப்பதை மறக்காதீர்கள் என உருக்கத்துடன் தெரிவித்தார்.
முன்னதாக சிறுவர் சிறுமியர் வண்ண வண்ண ஆடை அணிந்து பரதம், நாட்டுப்புற நடனம், குறத்தி ஆட்டம், சிலம்பாட்டம் என ஆடல் பாடல் என நடந்த கலைநிகழ்ச்சிகள் பார்வையாளர்களை வெகுவாக கவர்ந்தது.
நிகழ்வின் நிறைவாக கலை நிகழ்ச்சிகளில் பங்கேற்றவர்களுக்கும் விளையாட்டு போட்டிகளில் வெற்றி பெற்றவர்களுக்கும் பரிசுகள் வழங்கப்பட்டன. இதில் ஊராட்சிமன்ற ஸ்வீட்டி கோபி மற்றும் பொதுமக்கள் உற்சாகத்துடன் கலந்து கொண்டனர்.
