கேத்தனூரில் நூல் மில்லில் தீ விபத்து பல லட்சம் மதிப்பு பஞ்சு எரிந்து சேதம்

திருப்பூர் மாவட்டம் பல்லடம் அருகே கேத்தனூரில் முருகன் என்பவருக்கு சொந்தமான நூல் மில் செயல்படுகிறது. நூல் மில்லில், 2 ம் தார கழிவு பஞ்சு வைக்க தனி குடோன் உள்ளது.

இந்த குடோனில் இன்று அதிகாலை திடீரென புகை மூட்டம் ஏற்பட்டது. இதை கவனித்த நூல் மில்லில் பணியாற்றும் தொழிலாளர்கள், தீயை அணைக்க முயற்சி செய்தனர்.

ஆனால், தீ மளமளவென பரவ துவங்கியது. இது குறித்து பல்லடம் தீயணைப்பு துறையினருக்கு தகவல் தெரிவிக்கப்பட்டது.

அதன்பேரில் பல்லடம் தீயணைப்பு வீரர்களும், நூல் மில்லில் 30 க்கும் மேற்பட்ட பணியாற்றும் தொழிலாளர்களும் 2 மணி நேரத்துக்கு மேலாக போராடி தீயை அணைத்தனர்.

தீ விபத்து காமநாய்க்கன்பாளையம் போலீஸார் வழக்குப்பதிவு செய்து விசாரிக்கின்றனர். மின் கசிவு காரணமாக தீ விபத்து ஏற்பட்டதா அல்லது வேறு எதாவது காரணமக என்பது குறித்து போலீஸார் விசாரித்து வருகின்றனர்