காங்கயத்தில் அருகே சென்டர் மீடியனில் லாரி மோதி விபத்து
காங்கயம் அருகே விபத்துக்குள்ளான லாரி.
காங்கயம் அருகே சென்டர் மீடியனில் லாரி மோதி விபத்துக்குள்ளானதில் ஓட்டுநர் அதிர்ஷ்டவசமாக உயிர் தப்பினார்.
கடலூர் மாவட்டத்தில் இருந்து லாரி உதிரிபாகங்களை ஏற்றிக்கொண்டு லாரி ஒன்று காங்கயம்–சென்னிமலை ரோட்டில் வந்துக்கொண்டிருந்தது. லாரியை விருத்தாசலத்தை சேர்ந்த சங்கர் ஓட்டி வந்தார்.
நல்லிக்கவுண்டம்பாளையம் அருகே லாரி வந்தபோது, எதிர்பாராத விதமாக சென்டர் மீடியனில் மோதியது. லாரி மோதிய வேகத்தில், முன் பக்க சக்கரம் கழன்று ஓடியது. விபத்தில் யாருக்கும் காயம் ஏற்படவில்லை.
இதுகுறித்து தகவல் அறிந்த காங்கயம் போலீஸார் சம்பவ இடத்திற்கு வந்து, ஜேசிபி., மூலம் லாரியை ஓரமாக நகர்த்தி வைத்தனர். விபத்து குறித்து காங்கயம் போலீஸார் விசாரிக்கின்றனர்.
Next Story
