சேலத்தில் 48 குண்டுகள் முழங்க காவலர் வீரவணக்க நாள் அனுசரிப்பு
சேலம் மாநகர ஆயுதப்படை மைதானத்தில் காவலர் வீரவணக்க நாள் நிகழ்வு சேலம் மாநகர காவல் ஆணையாளர் நஜ்முல் ஹோடா தலைமையில் இன்று நடைபெற்றது.
HIGHLIGHTS
வீரவணக்க ஸ்தூபிக்கு சேலம் மாநகர காவல் ஆணையாளர் நஜ்முல் ஹோடா மரியாதை செலுத்தினார்
சேலம் மாநகர ஆயுதப்படை மைதானத்தில் காவலர் வீரவணக்க நாள் நிகழ்வு சேலம் மாநகர காவல் ஆணையாளர் நஜ்முல் ஹோடா தலைமையில் இன்று நடைபெற்றது. இதில் வண்ண மலர்களால் அலங்கரிக்கப்பட்ட வீரவணக்க ஸ்தூபிக்கு சேலம் மாநகர காவல் ஆணையாளர் நஜ்முல் ஹோடா, சேலம் சரக காவல்துறை துணைத் தலைவர் மகேஸ்வரி, சேலம் மாவட்ட காவல் கண்காணிப்பாளர் ஸ்ரீ அபினவ், சேலம் மாநகர காவல் துணை ஆணையாளர்கள் மோகன்ராஜ், மாடசாமி மற்றும் காவல்துறை உயர் அதிகாரிகள், காவலர்கள், ஓய்வுபெற்ற காவல்துறை அதிகாரிகள் மலர்வளையம் வைத்து வீரவணக்கம் செலுத்தினர்.
தொடர்ந்து பணியின் போது வீர மரணம் அடைந்த காவலர்களின் பெயர்களை வாசித்து அவர்களை நினைவு கூர்ந்து 48 துப்பாக்கி குண்டுகள் முழங்க வீரமரணமடைந்த காவலர்களுக்கு வீரவணக்கம் செலுத்தப்பட்டது.
