ஜனாதிபதி ராம்நாத் கோவிந்த் ஊட்டி வருகை; பாதுகாப்பு பணிகள் தீவிரம்

குன்னுார் வெலிங்டன் ராணுவ கல்லுாரி ராணுவ அதிகாரிகள் பயிற்சி மையத்தில் நடக்கும் நிகழ்ச்சியில் பங்கேற்க ஜனாதிபதி ராம்நாத் கோவிந்த் அடுத்த மாதம் 3 ம் தேதி ஊட்டி வருகிறார்.

கோவையிலிருந்து ஹெலிகாப்டர் மூலம் ஊட்டி வரும் ஜனாதிபதி ராம்நாத் கோவிந்த், ராஜ்பவனில் தங்குகிறார். 4 ம் தேதி குன்னுார் வெலிங்டன் ராணுவ கல்லுாரியில் ராணுவ அதிகாரிகள் பயிற்சி மையத்தில் நடக்கும் நிகழ்ச்சியில் பங்கேற்கிறார்.

5 ம் தேதி ஊட்டியில் உள்ள சுற்றுலா ஸ்தலங்களை பார்வையிட உள்ளார். இதற்காக, மாவட்டத்தில் உள்ள சுற்றுலா ஸ்தலங்கள் பொலிவுபடுத்தப்பட்டு வருகிறது. ஊட்டி தீட்டுக்கல்லில் உள்ள ஹெலிகாப்டர் தளம் மற்றும் அவர் தங்கவுள்ள ராஜ்பவன் மாளிகை சீரமைக்கப்பட்டு வருகின்றன.