கோடநாடு வழக்கு: கைது செய்யப்பட்டுள்ள இருவருக்கும் ஜாமீன் கோரிய மனு தள்ளுபடி

கோடநாடு வழக்கில் கார் ஓட்டுநர் கனராஜின் சகோதரர் தனபால் மற்றும் உறவினர் ரமேஷ் ஆகிய இருவரது ஜாமின் மனு இரண்டாவது முறையாக தள்ளுபடி செய்யப்பட்டது.

நீலகிரி மாவட்டம், கோத்தகிரி கோடநாடு கொலை,கொள்ளை வழக்கில், விபத்தில் பலியான கனகராஜின் சகோதரர் தனபால், உறவினர் ரமேஷ் ஆகியோர் தடயங்களை அழித்த குற்றச்சாட்டுக்காக தனிப்படை போலீசார், அக்., 25 ம் தேதி சேலத்தில் கைது செய்து நீலகிரி மாவட்டம் கூடலுார் சிறையில் அடைத்தனர்.

இருவருக்கு டிச., 6ம் தேதி வரை நீதிமன்ற காவல் உள்ளது. இதற்கிடையே, இரண்டாவது முறையாக ஜாமின் கோரிய மனு உதகை மாவட்ட அமர்வு நீதிமன்றத்தில் விசாரணைக்கு வந்தது. குற்றச்சாட்டப்பட்டவர்கள் தரப்பில் வக்கீல் பாலாஜி ஆஜரானார். அரசு தரப்பில், சிறப்பு வக்கீல்கள் ஷாஜகான், கனகராஜ் ஆஜராகினர். இருதரப்பு வாதங்களை கேட்ட நீதிபதி சஞ்சய் பாபா, இரண்டாவது முறையாக ஜாமின் மனுவை தள்ளுபடி செய்தார்.