உதகையில் திமுக சார்பில் பொதுமக்களுக்கு நிவாரண உதவி
உதகையில், கொரோனா ஊரடங்கால் வாழ்வாதாரத்தை இழந்த தொழிலாளர்களுக்கு, திமுக சார்பில் நிவாரணப் பொருட்கள் வழங்கப்பட்டது.
நீலகிரி மாவட்டத்தில் கொரோனா ஊரடங்கு காரணமாக சுற்றுலா வழிகாட்டிகள், சவரத் தொழிலாளர்கள், திருநங்கைகள், இருசக்கர வாகனம் பழுது பார்க்கும் தொழிலாளர்கள், சுற்றுலா வாகன ஓட்டிகள், சாலையோர வியாபாரிகள் என பலரும் நெருக்கடியான சூழலுக்கு தள்ளப்பட்டுள்ளனர்.
இந்நிலையில், முன்னாள் முதல்வர் கருணாநிதியின் பிறந்தநாள் விழாவை கொண்டாடும் வகையில், உதகை நகர திமுக செயலாளர் ஜார்ஜ், ஆயிரத்து 500 க்கும் மேற்பட்டோருக்கு, ஆயிரத்து 500 ரூபாய் மதிப்புள்ள மளிகை தொகுப்புகளை வழங்கினார். இந்த நிகழ்ச்சியில், வனத்துறை அமைச்சர் ராமச்சந்திரன் கலந்து கொண்டு வழங்கினார்.
அவர் பேசுகையில், தமிழக முதல்வர் கொரோனோ கட்டுப்பாடுகளுக்கான நடவடிக்கைகளை மேற்கொண்டு வருகிறார். ஏழை எளிய மக்களுக்கு உதவி செய்யும் நோக்கத்தோடு, கருணாநிதி பிறந்தநாளில் நிவாரணம் பொருட்கள் வழங்கப்படுகிறது என்றார்.
Next Story
