உதகையில் 32 வது சாலை பாதுகாப்பு பேரணி

உதகை மாவட்டத்தில் 32வது சாலை பாதுகாப்பு வார விழா பேரணி நடைபெற்றது.

தமிழகம் முழுவதும் சாலை பாதுகாப்பு பேரணி அந்தந்த மாவட்ட வட்டார போக்குவரத்து அலுவலர் மற்றும் போக்குவரத்துத் துறை சார்பில் பொதுமக்களுக்கு விழிப்புணர்வு ஏற்படுத்தும் வகையில் நடைபெற்று வருகிறது.இதன் ஒரு பகுதியாக உதகையில் சாலை பாதுகாப்பு விழிப்புணர்வு பேரணியில் மகளிர் மற்றும் இரு சக்கர வாகன ஓட்டிகள் கலந்துகொண்டு விழிப்புணர்வு ஏற்படுத்தும் வகையில் பதாகைகளை ஏந்தி கலந்து கொண்டனர்.

தொடர்ந்து வாகன ஓட்டிகளுக்கு சாலை பாதுகாப்பு குறித்த விழிப்புணர்வு துண்டு பிரசுரங்கள் வழங்கப்பட்டது. இந்த விழிப்புணர்வு பேரணியில் வட்டார போக்குவரத்து அலுவலர் தியாகராஜன் ஆய்வாளர் குலோத்துங்கன் உட்பட போக்குவரத்து காவலர்கள் பலர் கலந்து கொண்டனர்.