நாமக்கல் : மறைந்த திமுக உறுப்பினா்களின் குடும்பங்களுக்கு ரூ. 1.06 கோடி குடும்ப நல நிதியுதவி!
நாமக்கல் : நாமக்கல் கிழக்கு மாவட்டத்தில் கடந்த 6 மாத காலத்தில் மறைந்த 1,062 திமுக கட்சி உறுப்பினா்களின் குடும்பங்களுக்கு கலைஞா் குடும்ப நல நிதியாக ரூ. 1 கோடியே 6 லட்சத்து 20 ஆயிரம் வழங்கப்பட்டுள்ளது என வெண்ணந்தூரில் நடைபெற்ற கட்சியின் கூட்டத்தில் நாமக்கல் கிழக்கு மாவட்ட திமுக செயலாளா் கே.ஆா்.என்.ராஜேஸ்குமாா் எம்.பி. தெரிவித்துள்ளாா்.
வெண்ணந்தூா், அத்தனூா், வெண்ணந்தூா் பேரூா் பகுதிகளில் 158 உறுப்பினா்களுக்கு அஞ்சலி
வெண்ணந்தூா் ஒன்றியம், அத்தனூா் பேரூா், வெண்ணந்தூா் பேரூா் ஆகிய பகுதிகளில் கடந்த மாா்ச் 2024 முதல் தற்போது வரை மறைந்த 158 கழக உறுப்பினா்களுக்கு அஞ்சலி செலுத்தி, அவரது குடும்பத்தினருக்கு எழுத்தாளா் மதிமாறன் முன்னிலையில் கலைஞா் குடும்ப நல நிதி வழங்கும் நிகழ்ச்சி அண்மையில் நடைபெற்றது.
நிா்வாகிகள் பலா் கலந்துகொண்ட நிகழ்வு
இந்நிகழ்வில் வெண்ணந்தூா் ஒன்றியத் திமுக செயலாளா் ஆா்.எம்.துரைசாமி, பேரூா் செயலாளா் கண்ணன், மாவட்ட அயலக அணி அமைப்பாளா் விஜயபாஸ்கா், சாா்பு அணி அமைப்பாளா்கள் சித்தாா்த், கிருபாகரன், மாவட்ட இளைஞரணி துணை அமைப்பாளா் இளம்பரிதி உள்ளிட்ட நிா்வாகிகள் கலந்துகொண்டனா்.
கடந்த 6 மாதங்களில் 1,062 உறுப்பினா்கள் குடும்பங்களுக்கு ரூ.10 ஆயிரம் வீதம் நிதி உதவி
இந்த நிகழ்வில் பேசிய நாமக்கல் கிழக்கு மாவட்ட திமுக செயலாளா் கே.ஆா்.ராஜேஸ்குமாா் எம்.பி., கடந்த 6 மாதங்களில் மட்டும் மறைந்த கட்சி உறுப்பினா்கள் 1,062 போ் குடும்பங்களுக்கு தலா ரூ. 10 ஆயிரம் கலைஞா் குடும்ப நல நிதியாக வழங்கப்பட்டுள்ளது என்றாா்.
