இராசிபுரம் அருகே லாரி மோதியதால் டூ வீலரில் சென்ற புது மாப்பிள்ளை பலி

ஈரோடு மாவட்டம், வடபழனியைச் சேர்ந்தவர் அமர்நாத் (24), இவருக்கு கடந்த 3 மாதங்கள் முன்பு திருமணம் நடைபெற்றது.

சம்பவத்தன்று அவர் ஆத்தூரில் உள்ள தனது மாமனார் வீட்டிற்கு டூ வீலரில் சென்றுவிட்டு இரவு மீண்டும் ஈரோட்டுக்கு திரும்பி சென்றுகொண்டிருந்தார்.

ராசிபுரம் அருகில் உள்ள குரங்காத்துப்பள்ளம் பகுதியில் அவர் டூ வீலரில் சென்றுகொண்டிருந்தபோது, அவ்வழியாக வந்த லாரி ஒன்று டூ வீலர் மீது மோதியது.

இந்த விபத்தில் லாரி ஏறியதால் உடல் நசுங்கிய அமர்நாத் அதே இடத்தில் உயிரிழந்தார். தகவல் கிடைத்ததும் அங்கு சென்று ஆயில்பட்டி போலீசார் உடலை பிரேத பரிசோதனைக்காக இராசிபுரம் அரசு ஆஸ்பத்திரிக்கு அனுப்பி வைத்தனர். இது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.