இராசிபுரம் அருகே கார் மோதி சிறுவன் உயிரிழந்தான்

இராசிபுரம் தாலுக்கா, ஈஸ்வரமூர்த்திபாளையம் கிராமத்தைசச் சேர்ந்தவர் செங்கமலை, விவசாயி. இவருடைய மகன் கார்த்திகேயன் (7). அங்குள்ள தொடக்கப்பள்ளியில் 2-ம் வகுப்பு படித்து வந்தான். சம்பவத்தன்று கார்த்திகேயன் தனது பாட்டியுடன் மங்களபுரம் அருகே நெடுஞ்சாலை ஓரம் நடந்து சென்றான். அப்போது அவ்வணியாக வந்த கார் சிறுவன் மீது மோதியது. இந்த விபத்தில் படுகாயம் அடைந்த சிறுவனை அங்கிருந்தவர்கள் மீட்டு சிகிச்சைக்காக ராசிபுரம் அரசு ஆஸ்பத்திரிக்கு அனுப்பி வைத்தனர்.

பின்னர் அங்கிருந்து மேல்சிகிச்சைக்காக சேலம் அரசு ஆஸ்பத்திரியில் அனுமதிக்கப்பட்ட சிறுவன் கார்த்திகேயன் சிகிச்சை பலனின்றி உயிரிழந்தான். இதுகுறித்து மங்களபுரம் போலீஸ் எஸ்ஐ திலகவதி வழக்குப்பதிவு செய்து கார் டிரைவர் சத்தியமூர்த்தி (50) என்பவரை கைது செய்து விசாரணை நடத்தி வருகிறார்.