நாமக்கல் எஸ்.சி பொது பிரிவு, குமாரபாளையம் பொது பிரிவுக்கு ஒதுக்கீடு
நாமக்கல் மாவட்டத்தில், நகர்ப்புற உள்ளாட்சி தேர்தலில்5 நகராட்சி மற்றும் 19 டவுன் பஞ்சாயத்துகளுக்கான இட ஒதுக்கீடு பட்டியலை மாநில தேர்தல் கமிஷன் வெளியிட்டுள்ளது.
அதன்படி, நாமக்கல் நகராட்சி – எஸ்.சி (பொது), ராசிபுரம் – பெண்கள் (பொது), திருச்செங்கோடு, பள்ளிபாளையம், குமாரபாளையம் ஆகிய 3 நகராட்சிகள், பொது பிரிவினருக்கு ஒதுக்கப்பட்டுள்ளது.
19 டவுன் பஞ்சாயத்துக்களில் சேந்தமங்கலம், பரமத்தி வேலூர் ஆகிய, 2 டவுன் பஞ்சாயத்து தலைவர் பதவி பெண்கள் (பொது) பிரிவுக்கும், ஆர்.புதுப்பட்டி, சீராப்பள்ளி, காளப்பநாயக்கன்பட்டி, படைவீடு, பட்டணம், அத்தனூர், நாமகிரிப்பேட்டை ஆகிய, 7 டவுன் பஞ்சாயத்து தலைவர் பதவிகள் எஸ்.சி., (பொது) பிரிவிற்கும் ஒதுக்கீடு செய்யப்பட்டுள்ளன.
மேலும், எருமப்பட்டி, மோகனூர், பாண்டமங்கலம், பரமத்தி, பொத்தனூர், வெங்கரை, பிள்ளாநல்லூர், வெண்ணந்தூர், ஆலாம்பாளையம், மல்லசமுத்திரம் ஆகிய 10 டவுன் பஞ்சாயத்துக்கள் பொது பிரிவிற்கும் ஒதுக்கப்பட்டுள்ளன.
