திமுக இளைஞரணி செயலாளர் பிறந்த நாளை முன்னிட்டு பெண்களுக்கு நலத்திட்ட உதவி வழங்கல்

நாமக்கல் கிழக்கு மாவட்டம், புதுச்சத்திரம் வடக்கு ஒன்றிய திமுக சார்பில், பாச்சல் பஞ்சாயத்தில், மாநில இளைஞரணி செயலாளர் உதயநிதி ஸ்டாலின் எம்எல்ஏ பிறந்தநாள் விழா நடைபெற்றது. ஒன்றிய செயலாளர் கவுதம் நிகழ்ச்சிக்கு தலைமை வகித்தார். நாமக்கல் எம்எல்ஏ ராமலிங்கம் முன்னிலை வகித்தார். மாவட்ட திமுக பொறுப்பாளர் ராஜ்சபா எம்.பி ராஜேஷ்குமார் நிகழ்ச்சியில் கலந்துகொண்டு 250 பெண்களுக்கு அரிசி, மளிகைப் பொருட்கள் உள்ளிட்ட நலத்திட்ட உதவிகளை வழங்கினார். நிகழ்ச்சியில் ஊராட்சி ஒன்றிய தலைவர் சாந்தி, துணைத்தலைவர் ராம்குமார், பஞ்சாயத்து தலைவர்கள் சண்முகம், கிருஷ்ணன், ஒன்றிய குழு உறுப்பினர்கள் மனோகரன், முருகேசன், சின்ராசு உள்ளிட்ட பலர் கலந்து கொண்டனர்.