நாமக்கல் பாராளுமன் தொகுதி 8வது சுற்று முடிவு : திமுக வேட்பாளர் 10,450 ஓட்டுகள் முன்னிலை..!

நாமக்கல் :

நாமக்கல் பார்லி. தொகுதி 8வது சுற்று முடிவில் திமுக கூட்டணியின் கொமதேக வேட்பாளர் மாதேஸ்வரன் 10,450 ஓட்டுகள் பெற்று முன்னிலையில் உள்ளார்.

நாமக்கல் லோக்சபா தொகுதியில் நாமக்கல், சேந்தமங்கலம், ராசிபுரம், திருச்செங்கோடு, பரமத்திவேலூர், சங்ககிரி ஆகிய 6 சட்டசபை தொகுதிகள் உள்ளன. நாமக்கல் பாராளுமன் தொகுதியில் பதிவான ஓட்டுகள் எண்ணும் மையம், திருச்செங்கோடு விவேகானந்தா கல்லூரியில் அமைக்கப்பட்டுள்ளது. இன்று காலை 8 மணிக்கு ஓட்டு எண்ணும் பணி துவங்கியது. மாவட்ட கலெக்டர் உமா, தேர்தல் கமிஷன் பார்வையாளர்கள் ஹர்குன்ஜித்கவுர், ஓனில் கிளமெண்ட் ஓரியா ஆகியோர் முன்னிலையில் தபால் ஓட்டுகள் எண்ணும் பணி துவங்கியது.

தொடர்ந்து 8.30 மணிக்கு எலக்ட்ரானிக் வாக்குப்பதிவு மெசின்களில் இருந்த ஓட்டுகள் எண்ணும் பணி துவங்கியது. நாமக்கல் பார்லி. தொகுதியில் உள்ள 6 சட்டசபை தொகுதிகளிலும் முதல் சுற்று எண்ணிக்கை முடிவில் அதிமுக வேட்பாளர் தமிழ்மணி தன்னை அடுத்து வந்த திமுக கூட்டணி கொமதேக வேட்பாளர் மாதேஸ்வரனை விட 1,089 ஓட்டுகள் அதிகம் பெற்று முன்னிலையில் இருந்தார். 2ஆவது சுற்றில் கொமதேக வேட்பாளர் மாதேஸ்வரன், அதிமுக வேட்பாளர் தமிழ்மணியை விட 2,095 ஓட்டுகள் அதிகம் பெற்றார். 3வது சுற்றில் 2,189 ஓட்டுகளும், 4வது சுற்றில் 3,161 ஓட்டுகளும்ர். 5வது சுற்றில் 1,817 ஓட்டுகளும், 6வது சுற்றில் 3,623 ஓட்டுகளும், 7வது சுற்று‘ல் 8,153 ஓட்டுகளும் அதிகம் பெற்று மாதேஸ்வரன் முன்னிலை வகித்து வந்தார்.

8வது சுற்று முடிவு:

8வது சுற்று முடிவில் 6 சட்டசபை தொகுதிகளிலும் சேர்த்து திமுக வேட்பாளர் மாதேஸ்வரன் பெற்று ஓட்டுகள்: 1,86,306, அதிமுக வேட்பாளர் தமிழ்மணி பெற்ற ஓட்டுகள் : 1,75,856. அதிமுக வேட்பாளரை விட திமுக வேட்பாளர் மாதேஸ்வரன் 10,450 ஓட்டுகள் முன்னிலையில் உள்ளார். 3வது இடம் பெற்ற பாஜக வேட்பாளர் டாக்டர் ராமலிங்கம் 36,651 ஓட்டுகள் பெற்றுள்ளார். 4வது இடம் பெற்றுள்ள நாம் தமிழர் கட்சி வேட்பாளர் கணிமொழி 36,651 ஓட்டுகள் பெற்றுள்ளார்.