முத்தாயம்மாள் பாலிடெக்னிக்கில் வளாக தேர்வு: 117 மாணவர்களுக்கு வேலை வாய்ப்பு..!

சென்னையை சேர்ந்த கார் உதிரிபாக நிறுவனமான பிரேக்ஸ் இந்தியா, ராசிபுரம் முத்தாயம்மாள் பாலிடெக்னிக் கல்லூரி, முத்தாயம்மாள் நினைவு கலை அறிவியல் கல்லூரியில் படிக்கும் இறுதியாண்டு மாணவர்களுக்கு வளாகத்தேர்வு நடத்தியது.

நிறுவன அதிகாரிகள் முன்னிலை

பிரேக்ஸ் இந்தியா நிறுவனத்தின் கிளை துணைத்தலைவர் கிருஷ்ணமூர்த்தி, துணை மேலாளர் பழனி, பாலம்பாக்கம் கிளை மேலாளர் ஸ்ரீதரன், சோளிங்கநல்லூர் கிளை மேலாளர் கோபிநாதன் ஆகியோர் முன்னிலை வகித்தனர்.

எழுத்துத் தேர்வு மற்றும் நேர்முகத் தேர்வு

இதில், எழுத்துத் தேர்வு, நேர்முகத் தேர்வு நடந்தது. இறுதியில், 117 மாணவ-மாணவிகள் தேர்வு செய்யப்பட்டனர்.

பணி நியமன ஆணை வழங்கும் விழா

வேலைவாய்ப்பு பெற்றவர்களுக்கு பணி நியமன ஆணை வழங்கும் விழா, கல்லூரி வளாகத்தில் நடந்தது. முத்தாயம்மாள் அறக்கட்டளை தாளாளர் பிரேம்குமார் தலைமை வகித்து, மாணவர்களுக்கு பணிநியமன ஆணை வழங்கினார்.

கல்லூரியின் சாதனை

பிரேக்ஸ் இந்தியா நிறுவன அதிகாரிகள் பேசுகையில், 'கடந்த, 41 ஆண்டுகளாக இக்கல்லூரி மாநில அளவில் முதலிடம் பிடித்து சாதனை படைத்துள்ளது. நாங்கள் தொடர்ந்து, 25 ஆண்டுகளாக மாணவர்களை பணி நியமனம் செய்து வருகிறோம்' என்றனர்.

கல்லூரி செயலாளர் ஜோதிமணி ராமசாமி, பொருளாளர் சர்வேஸ்வரி, முதல்வர்கள் விஜயகுமார், சோமு உள்பட பலர் கலந்து கொண்டனர்.