குமாரபாளையத்தில் விஜயகாந்த்க்கு பொதுமக்கள் கண்ணீ அஞ்சலி

திரைப்பட நடிகரும், தேசிய முற்போக்கு திராவிட கழகம் கட்சியின் நிறுவனருமான கேப்டன் என அழைக்கப்படும் விஜயகாந்த், உடல்நலமில்லாமல் சென்னை தனியார் மருத்துவமனையில் உயிரிழந்தார்.

விஜயகாந்த் மறைவிற்கு விடியல் ஆரம்பம் சார்பில் அவரது திருவுருவப்படத்திற்கு மலர்மாலை அணிவித்தும், மலர்கள் தூவியும், மெழுகுவர்த்தி ஏற்றியும் மரியாதை செலுத்தினர். விடியல் பிரகாஷ், செல்வராஜ், பஞ்சாலை சண்முகம், பாண்டியன், சமூக சேவகி சித்ரா, பன்னீர்செல்வம், தேவி, அங்கப்பன், சுந்தர்ராஜன், சதீஷ், ராஜாத்தி, ஜமுனா, தீனா, மற்றும் பொதுமக்கள் அனைவரும் மெழுகுவர்த்தி ஏந்தி நினைவு அஞ்சலி செலுத்தினார்கள்.

குமாரபாளையம் அரசு உதவி பெறும் பள்ளியில் மாலை நேர வகுப்பு துவக்கம்

குமாரபாளையம் அரசு உதவி பெறும் சி.எஸ்.ஐ நடுநிலைப் பள்ளியில் விடியல் ஆரம்பம் சார்பில் மாலை நேர வகுப்பு துவக்க விழா, போட்டியில் வெற்றி பெற்றவர்களுக்கு பரிசளிப்பு விழா ஆகியவை நடத்தப்பட்டது. காந்தியின் திருவுருவப்படத்திற்கு மலர்மாலை அணிவித்து மரியாதை செலுத்தப்பட்டது. சிறப்பு விருந்தினராக குமாரபாளையம் இன்ஸ்பெக்டர் தவமணி பங்கேற்று, மகாத்மா காந்தி மாலை நேர பயிலக கல்வி வகுப்பை துவக்கி வைத்தார்.

இன்ஸ்பெக்டர் தவமணி பேசியதாவது:

அனைவருக்கும் தரமான கல்வி கிடைப்பதற்கு அரசு முழு முயற்சி எடுத்து வருகிறது. கல்வித் தரம் உயர்ந்து வருவதால் அரசு பள்ளிகள் சிறப்பாக செயல்பட்டு வருகிறது. அதன் மூலம் உலக அளவில் நமது கல்வியாளர்கள் உயர்ந்து வருகிறார்கள். ஆகவே இந்த மாலை நேர பயிலகத்தை நன்றாக பயன்படுத்திக் கொள்ளுங்கள்.

இவ்வாறு அவர் பேசினார்.