குமாரபாளையம் அருகே லாரி - டூவீலர் விபத்தில் ஒருவர் படுகாயம்

குமாரபாளையம் வட்டமலை பகுதியில் வசிப்பவர் ராஜன், 51. எல்.ஐ.சி. முகவர். இவர் தனது பைக்கில் சேலம் - கோவை புறவழிச்சாலை கத்தேரி பிரிவு பகுதியில், நேற்று முன்தினம் இரவு 07:00 மணியளவில் சென்றார். அப்போது இவருக்கு பின்னால் வந்த அடையாளம் தெரியாத லாரி உரசியதில், ராஜன் கீழே விழுந்து பலத்த காயமடைந்தார்.

இவர் சிகிச்சைக்காக ஈரோடு அரசு மருத்துவமனையில் அனுமதிக்கபட்டுள்ளார். இது குறித்து குமாரபாளையம் போலீசார் வழக்குபதிவு செய்து விசாரணை செய்து வருகின்றனர்.