செங்குந்தர் சமுதாய புதிய நிர்வாகிகள் அறிமுக கூட்டம்
குமாரபாளையத்தில் செங்குந்தர் சமுதாய புதிய நிர்வாகிகள்அறிமுக கூட்டம் நடந்தது.
குமாரபாளையம் நகர செங்குந்த மகாஜன சங்கத்தின் சார்பில் புதிதாக தேர்ந்தெடுக்கப்பட்ட நிர்வாகிகளின் அறிமுக கூட்டம் மற்றும் மாவட்ட தேர்தல் ஆலோசனை கூட்டம் செங்குந்தர் திருமண மண்டபத்தில் நடந்தது. மாநில நெசவாளர் அணி துணை அமைப்பாளர் சீனிவாசன் தலைமை வகித்தார்.
கிளைச்சங்க நிர்வாகி ஆசிரியர் சிவராமன் செங்குந்தர் உறுதிமொழி வாசிக்க, அனைவரும் உறுதிமொழி ஏற்றுக் கொண்டனர். புதிய நிர்வாகிகளை மாநில நிர்வாகி சீனிவாசன் அறிமுகப்படுத்தி வாழ்த்தி பேசினார். நடைபெற இருக்கின்ற மாவட்ட தேர்தலில் அனைவரும் ஒன்றிணைந்து பொது வேட்பாளரை தேர்ந்தெடுப்பது என தீர்மானம் நிறைவேற்றப்பட்டது. குமாரபாளையம் நகர செங்குந்த மகாஜன சங்கம் சார்பில் 2024 ஆண்டிற்கான புதிய காலண்டர் அனைவருக்கும் வழங்கப்பட்டது.நிர்வாகிகள் தங்கராஜ், பிரபு உள்பட பலர் பங்கேற்றனர்.
குமாரபாளையம் செங்குந்த மகாஜன சங்கத்தின் சார்பில் 10,11 மற்றும் 12 -ஆம் வகுப்பில் சிறந்த மதிப்பெண்கள் பெற்ற மாணவ மாணவிகளுக்கு கல்வி ஊக்கத்தொகை மற்றும் பரிசுகள் வழங்கும் விழா குமாரபாளையம் ராஜேஸ்வரி திருமண மண்டபத்தில் நகர செங்குந்த மகாஜன சங்கத்தின் தலைவர் தங்கராஜ் தலைமையில் நடந்தது.
தென்னிந்திய செங்குந்த மகாஜன சங்கத்தின் தலைவர் செல்வராஜ் மற்றும் மாநில பொதுச் செயலாளர் குமரகுருபரன், மாநில நெசவாளர் அணி துணை அமைப்பாளர் சீனிவாசன், ஈரோடு மாவட்ட தலைவர் உதய சங்கர், பங்கேற்று அதிக மதிப்பெண்கள் பெற்ற மாணவ, மாணவியர்களுக்கு பரிசுகள் மற்றும் கல்வி ஊக்கத்தொகை வழங்கினர்.
தென்னிந்திய செங்குந்த மகாஜன சங்கத்தின் தலைவர் செல்வராஜ் பேசியதாவது:மாணவ மாணவிகள் தங்களது கல்வி அறிவை மட்டுமின்றி, பொது அறிவையும் வளர்த்துக் கொள்ள வேண்டும். அதற்காக பல்வேறு வகையான நூல்களை படிக்க வேண்டும். மாணவ மாணவிகள் உயர் கல்வி பயின்று சமுதாயத்திற்கு பல நற்பணிகள் செய்திட வேண்டும். மாணவ மாணவிகள் உயர்கல்வி படிப்பை முடித்தவுடன் அரசு பணிகளுக்காக தங்களை தயார் படுத்தி கொள்ள வேண்டும். மாணவ மாணவிகள் தங்களது மனதில் நல்ல எண்ணங்களை பதிய வைக்க வேண்டும். அதற்கு பெற்றோர்களும் உறுதுணையாக இருக்க வேண்டும் என்றர் அவர்.
