உலக நன்மைக்காக குமாரபாளையம் காளியம்மனுக்கு 1008 இளநீர் அபிஷேகம்

உலக நன்மைக்காக மழை வேண்டியும், அக்னி நட்சத்திர தோஷ நிவர்த்தி, அனைத்து உயிர்களும் வெப்பத்தில் இருந்து விடுபடவும், வெயிலின் தாக்கம் குறையவும், நாமக்கல் மாவட்டம் குமாரபாளையம் காளியம்மன் கோவிலில் லலிதா சகஸ்ர பாராயணம், துர்கா சுக்த ஹோமம் நடைபெற்றது.

அம்மனை சாந்தி செய்யும் விதமாக அம்மனுக்கு 1008 இளநீர் அபிஷேகம் செய்யப்பட்டது. அம்மனுக்கு சிறப்பு அலங்கார, ஆராதனைகள் செய்யப்பட்டு பக்தர்களுக்கு பிரசாதம் மற்றும் அன்னதானம் வழங்கப்பட்டது. விழாக்குழு தலைவர் ரகுநாதன், நிர்வாகி நடராஜ பெருமாள், பூசாரிகள் சண்முகம், சதாசிவம் உள்ளிட்ட பலர் பங்கேற்றனர்.