பள்ளிபாளையத்தில் கஞ்சா விற்றதாக ஒருவர் கைது - போலீசார் நடவடிக்கை

பள்ளிபாளையம் அருகே ஆவத்திபாளையம் பகுதியை சேர்ந்தவர் பெரியசாமி, 51. எஸ்.பி.பி. காலனி அருகே கஞ்சா விற்பதாக பள்ளிபாளையம் போலீசாருக்கு ரகசிய தகவல் கிடைக்கப்பெற்றது.

இதையடுத்து, நேரில் சென்ற போலீசார், அங்கு கஞ்சா விற்றுக் கொண்டிருந்த நபரை பிடித்து, அவரிடம் இருந்த 200கிராம் கஞ்சாவை பறிமுதல் செய்து கைது செய்தனர். போலீசார் விசாரணையில், பிடிபட்டவர் பள்ளிபாளையம் அருகே ஆவத்திபாளையம் பகுதியை சேர்ந்த பெரியசாமி, 51,என்பது தெரியவந்தது. இது பற்றி போலீசார் மேலும் விசாரணை செய்து வருகின்றனர்.