சுவர் விளம்பரம் எழுதுவதில் ஆர்வம் காட்டும் பா.ஜ.க.வினர்

சுவர் விளம்பரம் எழுதுவதில் ஆர்வம் காட்டும் பா.ஜ.க.வினர்!

குமாரபாளையத்தில் பா.ஜ.க.வினர் சுவர் விளம்பரம் எழுதுவதில் ஆர்வம் காட்டி வருகிறார்கள்.

நாடாளுமன்ற தேர்தல் வருவதையொட்டி பல்வேறு அரசியல் கட்சியினர் தேர்தல் பணிகளை தீவிரமாக செய்து வருகிறார்கள். பூத் கமிட்டி அமைப்பது, வார்டுகளில் வீடு வீடாக தங்கள் கட்சி செய்த சாதனைகள் குறித்து துண்டு பிரசுரங்கள் கொடுத்து ஆதரவு கேட்பது, தெருமுனை கூட்டம் போட்டு பொதுமக்களை ஒன்று திரட்டி பேசுவது, நட்சத்திர பேச்சாளர்கள் வரவழைக்க ஆயத்தம் செய்வது, என்பது உள்ளிட்ட பல பணிகள் செய்து வருகிறார்கள். அனைத்து அரசியல் கட்சியினர் சுவர் விளம்பரம் செய்ய ஆயத்தமாகும் நிலையில் பா.ஜ.க.வினர் சுவர் விளம்பரம் செய்வதில் ஆர்வம் காட்டி வருகின்றனர்.

குமாரபாளையத்தில் தி.மு.க. முன்னாள் கவுன்சிலர் பா.ஜ.க.வில் ஐக்கியமானார். நாடாளுமன்ற தேர்தல் நெருங்கி வருவதையடுத்து அரசியல் கட்சியினர் தங்கள் தேர்தல் பணிகளை துவங்கியுள்ளனர். வாக்காளர்கள் அதே முகவரியில் உள்ளனரா? வேறு ஊருக்கு சென்று விட்டனரா? அவ்வாறு சென்றிருந்தால் அவரை நேரில் சந்தித்து தங்கள் கட்சிக்கு வாக்களியுங்கள் என பிரச்சாரம் செய்து வருகின்றனர்.

மேலும் ஒவ்வொரு கட்சியினரும் புதிய வாக்காளர்களை சேர்த்து வருவதுடன், மாற்றுக்கட்சி நபர்களை தங்கள் கட்சியில் சேர்ப்பதிலும் ஆர்வம் காட்டி வருகின்றனர். இதன் ஒரு கட்டமாக மாவட்ட பொது செயலர் வழக்கறிஞர் சரவணராஜன் ஏற்பாட்டில், குமாரபாளையம் தி.மு.க. முன்னாள் கவுன்சிலர், முன்னாள் மாவட்ட பிரதிநிதியுமான வடிவேல், பா.ஜ.க. மாவட்ட தலைவர் ராஜேஷ்குமார் முன்னிலையில் பாரதிய ஜனதா கட்சியில் இணைந்தார். இவருக்கு கட்சி நிர்வாகிகள் பலரும் வாழ்த்து தெரிவித்து வருகிறார்கள்.