கடிதம் எழுதி வைத்துவிட்டு பேக்கரி ஊழியர் தற்கொலை!

பேக்கரி ஊழியர் தற்கொலை

பள்ளிபாளையம் அருகே பேக்கரி ஊழியர் கடிதம் எழுதி வைத்துவிட்டு தூக்கிட்டு தற்கொலை. பள்ளிபாளையம் போலீசார் விசாரணை.செய்து வருகிறார்கள்.

சேலம் மாவட்டம் சின்ன கொல்லப்பட்டி பெரியார் நகர் பகுதியை சேர்ந்தவர் கார்த்திகேயன், (24.)

பள்ளிபாளையத்தில் செயல்படும் தனியார் பேக்கரியில், மாஸ்டராக கடந்த ஆறு மாதங்களாக பணியாற்றி வந்தார். கடந்த 10 நாட்களுக்கு முன்பாக சேலம் சொந்த ஊருக்கு சென்ற அவர், நேற்று இரவு பள்ளிபாளையம் வந்துள்ளார் .. அப்பொழுது நாளை காலை முதல் பணிக்கு வருவதாக பேக்கரி உரிமையாளர் மணிகண்டனிடம் தெரிவித்துவிட்டு டிவி.எஸ்.மேடு பகுதி அருகே உள்ள நடேசன் என்பவருக்கு சொந்தமான குடியிருப்பில் ,உள்ள தனது தனி அறைக்கு சென்றுவிட்டார்.

இந்நிலையில் காலை நீண்ட நேரம் ஆகியும் கார்த்திகேயன் வேலைக்கு வராததால் பேக்கரி உரிமையாளர் கார்த்திகேயன் வீட்டிற்கு சென்று பார்த்த பொழுது அவர் துப்பட்டாவில் தூக்கிட்ட நிலையில் சடலமாக இருப்பதைக் கண்டு அதிர்ச்சி அடைந்ததார். இது குறித்து பள்ளிபாளையம் போலீசாருக்கு தகவல் தெரிவித்தார் .

அங்கு விரைந்த போலீசார், கார்த்திகேயன் உடலை கைப்பற்றி பள்ளிபாளையம் அரசு மருத்துவமனைக்கு பிரேத பரிசோதனைக்காக அனுப்பி வைத்தனர். மேலும் போலீசார் கார்த்திகேயன் உடலை சோதனையிட்ட பொழுது, அதில் ஒரு கடிதம் இருந்தது. அதில் தன்னுடைய தற்கொலைக்கு காரணம் தானே தான் எனவும், வேறு யாரும் காரணம் இல்லை என்பதை எழுதி வைத்துவிட்டு துப்பட்டாவில் தூக்கிட்டு தற்கொலை செய்து கொண்டுள்ளார். மேலும் தன்னுடைய செல்போனில் இருந்த புகைப்படங்கள், வீடியோக்கள், தொடர்பு எண்கள் உள்ளிட்ட அனைத்தையும் அழித்துவிட்டு தற்கொலை செய்து கொண்டது தெரியவந்தது . வாலிபர் கார்த்திகேயன் காதல் தோல்வி காரணமாக தற்கொலை செய்து கொண்டாரா?

அல்லது வேறு ஏதேனும் காரணம் உள்ளதா? என பள்ளிபாளையம் போலீசார் விசாரித்து வருகின்றனர்.