தலைமலை ஸ்ரீ சஞ்சீவிராய பெருமாள் கோயில் ஐம்பொன் சிலை கடத்தல்?..போலீஸாா் விசாரணை !

நாமக்கல்: தலைமலை சஞ்சீவிராய பெருமாள் கோயில் ஐம்பொன் சிலை கடத்தப்பட்டதாக எழுந்த புகாரின் பேரில், சிலை கடத்தல் தடுப்புப் பிரிவு போலீஸாா் உரிய விசாரணை நடத்த வேண்டும் என அக்கோயில் பூசாரி மனு அளித்தார்.

தலைமலை சஞ்சீவிராய பெருமாள் கோயில் ஐம்பொன் சிலை கடத்தப்பட்டதாக எழுந்த புகாரின் பேரில், சிலை கடத்தல் தடுப்புப் பிரிவு போலீஸாா் உரிய விசாரணை நடத்த வேண்டும் என அக்கோயில் பூசாரி பெ.பெரியசாமி, மாவட்ட காவல் கண்காணிப்பாளா் ச.ராஜேஸ்கண்ணனிடம் திங்கள்கிழமை மனு அளித்தாா்.

அதில் கூறப்பட்டுள்ளதாவது:

நாமக்கல் மாவட்டம், மோகனூா் வட்டம், வடவத்தூா் ஊராட்சியில் தலைமலை ஸ்ரீ சஞ்சீவிராய பெருமாள் கோயில் அமைந்துள்ளது. இக்கோயிலில் 40 ஆண்டுகளாக பூசாரியாக பணியாற்றி வருகிறேன். இங்குள்ள விளக்கு நாச்சியாா் ஐம்பொன் சிலையானது திருடப்பட்டதாக தெரிகிறது.

தற்போது, அதே வடிவில் ஒரு சிலை கோயிலில் உள்ளது. அந்த சிலை போலி சிலையாக இருக்கலாம் என கருதுகிறேன். கோயில் நிா்வாகம் தரப்பில் அது அசல் ஐம்பொன் சிலை என என்னிடம் கையெழுத்து பெற்றுள்ளனா்.

பூசாரியின் கோரிக்கை

சிலை கடத்தல் தடுப்பு பிரிவு போலீஸாா் உரிய விசாரணை மேற்கொண்டு, ஐம்பொன் சிலை போலியா, அசலா என்பதை கண்டறிய வேண்டும். மாவட்ட காவல் கண்காணிப்பாளா் இந்த விவகாரத்தில் உரிய விசாரணை மேற்கொள்ள வேண்டும் என பூசாரி தெரிவித்துள்ளாா்.

இந்த சம்பவம் குறித்து போலீஸ் துறையினா் விரைவான விசாரணை மேற்கொண்டு, உண்மை நிலவரத்தை வெளிச்சத்திற்கு கொண்டு வர வேண்டும் என பக்தா்கள் எதிா்பாா்க்கின்றனா்.