மதுரை அருகே உணவு வாங்கச் சென்ற மூதாட்டி விபத்தில் மரணம்

காலை உணவு வாங்கச் சென்ற மூதாட்டி மீது போர் வெல் லாரி மோதியதில் சம்பவ இடத்திலேயே உயிரிழந்தார்.

மதுரை மாவட்டம், திருப்பரங்குன்றம், அவனியாபுரம் பகுதியில் உள்ள திருவனந்தபிள்ளை தெருவில் வசிப்பவர் வடிவேல். இவரது மனைவி ராமம்மாள் (80). இவரது கணவர் 10 வருடங்களுக்கு முன் இறந்திடவே, இவரது மருமகன் சரவணன் என்பவர் பராமரிப்பில் இருந்து வருகிறார். இந்நிலையில், அயன் பாப்பாக்குடி அருகே இன்று காலை உணவு வாங்குவதற்காக சென்று திரும்பி கொண்டிருந்தபோது, போர்வெல் வாகனம் மோதியதில் சம்பவ இடத்திலே ராமம்மாள் உயிரிழந்தார் .

விபத்து குறித்து, அவனியாபுரம் போலீசார் வழக்குப் பதிவு செய்து விசாரணை செய்கின்றனர். மேலும், ராமம்மாள் உடலை உடற்கூராய்வுக்காக, மதுரை அரசு ராஜாஜி மருத்துவமனைக்கு அனுப்பி வைத்தனர். விபத்தை ஏற்படுத்திய போர்வெல் வாகன ஓட்டுனர் சுந்தரத்தின் மீது அவனியாபுரம் போலீசார் வழக்குப் பதிவு செய்து விசாரணை செய்து வருகின்றனர்..