மதுரையில் ஜல்லிக்கட்டு காளைகளுக்கு மருத்துவ பரிசோதனை தொடக்கம்

மதுரையில் ஜல்லிக்கட்டு காளைகளுக்கு கால்நடைத்துறையினர் தகுதி பரிசோதனை செய்து சான்றிதழ் வழங்கும் பணி தொடங்கியது.

கால்நடை மருத்துவர் சிவக்குமார் தலைமையில் கால்நடை ஆய்வாளர் உள்பட 7 பேர் கொண்ட கால்நடைத்துறை குழுவினர், மாட்டின் உயரம் ,கொம்பு சீவி இருத்தல் கூடாது, கொம்பு இடைவெளி, திமில் , மாட்டின் கண் ஆகியவை பரிசோதிக்கப்பட்டு உடல்தகுதி ஆகியவை பரிசோதனை செய்தனர்.

நிகழாண்டில், நாட்டு மாட்டு இனங்கள் மட்டுமே ஜல்லிக்கட்டு போட்டியில் பங்கு பெறவேண்டும் என்ற அடிப்படையில் பல சோதனைகள் நடைபெற்றன. கால்நடை பராமரிப்புத்துறை சார்பில், ஜல்லிக்கட்டு மாடுகளுக்கான உயரம் 120 சென்டி மீட்டர் ,கொம்பு கூர்மையாக இருக்க கூடாது, கண்பார்வை, கொம்பு இடைவெளி, உடற்தகுதி போன்றவை பரிசோதனை செய்யப்பட்டது.

மேலும், ஜல்லிக்கட்டு போட்டியில் நாட்டு மாடுகள் மட்டுமே பங்கு பெற வேண்டும் என விதி முறைகள் அறிவிக்கப்பட்டுள்ளது. இதனடிப்படையில், மாட்டின் புகைப்படம், மாட்டின் உரிமையாளர் ஆதார் கார்டு போன்றவை சரிபார்க்கப்பட்டு ஜல்லிக்கட்டு காளைகளுக்கான பரிசோதனைகள் செய்யப்பட்டன. இதனைத் தொடர்ந்து, கால்நடைத்துறை சார்பில் பரிசோதனை செய்தபின் சான்றிதழ் வழங்கப்பட்டது. சான்றிதழ் வழங்கப்பட்ட மாடுகள் ஜல்லிக்கட்டு போட்டி நடைபெறும். ஜனவரி 14ம் தேதி அன்று மீண்டும் பரிசோதனை செய்யப்பட்டு ஜல்லிக்கட்டு போட்டியில் கலந்து கொள்ள அனுமதிக்கப்படும் என கால்நடைத்துறையினர் தெரிவித்தனர்.