சோழவந்தானில் மூக்கையா தேவர் நினைவு நாள் அஞ்சலி

சோழவந்தானில் திமுக சார்பில் பி கே மூக்கையா தேவர் நினைவு நாள் அனுசரிக்கப்பட்டது.

பி.கே. முக்கையா தேவர் நினைவு நாளை ஒட்டி திமுக சார்பில், சோழவந்தான் பேருந்து நிலையம் முன்பு உள்ள மூக்கையா தேவர் திருவுருவச் சிலைக்கு மாலை அணிவித்து மரியாதை செய்யப்பட்டது.

இந்த நிகழ்ச்சிக்கு, பேரூராட்சித் தலைவர் ஜெயராமன், பேரூர் செயலாளர் வழக்கறிஞர் சத்திய பிரகாஷ், துணைச் செயலாளர் கொத்தாலம் செந்தில், பேரூராட்சி கவுன்சிலர்கள் குருசாமி சிவா, மீனவராணி மாவட்ட அமைப்பாளர் முனியாண்டி, எஸ் எம் பாண்டியன், திருவேடகம் ராஜா என்ற பெரிய கருப்பன் மாவட்ட பிரதிநிதிகள் பேட்டை பெரியசாமி, சுரேஷ், சங்கங்கோட்டை சந்திரன், ரவி ஆட்டோ மார்ட் சமரன் மில்லர், மாரிமுத்து, மணிபாண்டி, செல்லப்பாண்டி, சேகர் மற்றும் திமுக நிர்வாகிகள் தொண்டர்கள் ஏராளமானோர் கலந்து கொண்டனர்.

அரசியலிலும், பொதுச் சேவை புரிவதிலும் மிகுந்த ஈடுபாடு கொண்டவரும், நாடாளுமன்ற உறுப்பினராகவும், சட்டமன்ற உறுப்பினராகவும் மக்களுக்கு அருந்தொண்டு ஆற்றியவரும், கல்விப் பணிகளில் அதிக நாட்டம் கொண்டவருமான, போற்றுதலுக்குரிய பி.கே. மூக்கையாத் தேவரின் 44-ஆவது நினைவு நாளான 6.9.2023 புதன் கிழமை மதுரை புறநகர் மேற்கு மாவட்டம், உசிலம்பட்டியில் உள்ள பசும்பொன் முத்துராமலிங்கத் தேவர் கல்லூரியில் அமைந்திருக்கும் மூக்கையாத் தேவர் நினைவிடத்தில் அதிமுக, திமுக உள்ளிட்ட பல்வேறு கட்சிகளின் சார்பில் அஞ்சலி செலுத்தப்பட்டது.