தேங்காய் விலை வீழ்ச்சி: ரோட்டில் சிதறுகாய் அடித்து விவசாயிகள் ஆர்ப்பாட்டம்

தேங்காய் விலை வீழ்ச்சியை தடுத்த நிறுத்தக்கோரி தமிழ்நாடு தென்னை விவசாயிகள் சங்கம் ;சார்பில் தேங்காய் உடைக்கும் போராட்டம் நடைபெற்றது.

கோரிக்கைகள்: கொப்பரை தேங்காய் கிலோ ரூ.140 வீதம் கொள்முதல் செய்யக் கோரியும், கேரளத்தை போல் உரித்த தேங்காய் கிலோ ஒன்றுக்கு ரூபாய் 50வீதம் அரசு கூட்டுறவு சங்கத்தின் மூலம் கொள்முதல் செய்யக்கோரியும், தேங்காய் எண்ணெயை ரேஷன் கடை மூலம் வழங்கிடக் கோரியும், மாவட்டம் தோறும் தேங்காய் எண்ணெய் ஆலை அமைத்திடக்கோரியும், விவசாயிகள் விளைவிக்கும் அனைத்து பொருள்களுக்கும் ஜிஎஸ்டி வரியை ரத்து செய்யக் கோரியும் இப்போராட்டம் நடத்தப்பட்டது.

தமிழ்நாடு சென்னை விவசாயிகள் சங்கத்தின் மதுரை மாவட்ட குழு சார்பில் வாடிப்பட்டியில், வருவாய் ஆய்வாளர் அலுவலகம் முன்பு தேங்காய் உடைக்கும் போராட்டம் நடைபெற்றது. போராட்டத்திற்கு, தென்னை விவசாயிகள் சங்கத்தின் மாவட்டப் பொருளாளர் ச. சீத்தாராமன் தலைமை வகித்து போராட்டத்தை துவக்கி வைத்தார்.

சங்கத்தின் ,மாவட்டச் செயலாளர் பி.நாகேந்திரன் பேசினார். தொடர்ந்து, கோரிக்கை விளக்கி தென்னை விவசாயிகள் சங்க மாநிலக் குழு உறுப்பினர் வி.ஆர்.முத்துபேயாண்டி, மாவட்டத் தலைவர் ஏ.பிச்சை, உமர்தீன், தமிழ்நாடு விவசாயிகள் சங்க மாவட்ட த்தலைவர் ஏ.வேல்பாண்டி, கருப்பட்டி பாசன விவசாயிகள் சங்கம் அப்பாஸ் ஆகியோர் விளக்கி கோரிக்கைகளை பேசினார்கள். தமிழ்நாடு விவசாயிகள் சங்கத்தின் மதுரை மாவட்டச் செயலாளர் எஸ்.பி.இளங்கோவன் போராட்டத்தை நிறைவு செய்து வைத்து பேசினார். போராட்டத்தின்போது, தேங்காய் விலை வீழ்ச்சியினை தடுத்து நிறுத்திட வலியுறுத்தி 100க்கு மேற்பட்ட தேங்காய்களை சாலையில் சிதறுகாய் அடித்து தங்களது எதிர்ப்பை தெரிவித்தனர்.