விருதுநகர் போலீசிடம் ஒப்படைக்கப்பட்ட முன்னாள் அமைச்சர் ராஜேந்திர பாலாஜி

தமிழக முன்னாள் பால்வளத்துறை அமைச்சரான ராஜேந்திர பாலாஜி, ஆவின் உள்ளிட்ட துறைகளில் வேலை வாங்கி தருவதாக 3கோடி ரூபாய் வரை பணம் பெற்று மோசடி செய்ததாக தொடரப்பட்ட வழக்கில், முன்ஜாமின் கோரிய ராஜேந்திர பாலாஜி மனு தள்ளுபடி செய்யப்பட்டது.

இதனையடுத்து ராஜேந்திர பாலாஜி தலைமறைவானார். அவரை கைது செய்ய பல்வேறு தனிப்படைகள் அமைத்து கர்நாடக, கேரளா உள்ளிட்ட மாநிலங்களுக்கு அனுப்பி வைக்கப்பட்டனர். ஒசூரை சேர்ந்த தனிப்படை போலிசார், இன்று கர்நாடகா மாநிலம் ஹாசன் மாவட்டத்தில் மாவட்ட ஆட்சியர் அலுவலகம் முன்பு சாலையில் காரில் சென்று கொண்டிருந்த, முன்னாள் அமைச்சர் ராஜேந்திர பாலாஜியை தனிப்படை போலீசார் கைது செய்தனர்.

அவருடன், தலைமறைவாக இருக்க உதவிய கிருஷ்ணகிரி மேற்கு மாவட்ட பாஜக பொதுச்செயலாளர் ராமகிருஷ்ணன் உள்ளிட்ட 4 பேரையும் போலீசார் கைது செய்தனர். கர்நாடகா மாநில தனியார் காரில் அழைத்து வரப்பட்ட முன்னாள் அமைச்சர் கர்நாடக மாநிலம் எல்லையான அத்திப்பள்ளி என்னுமிடத்தில் உள்ள தனியார் மருத்துவக்கல்லூரி அருகே ராஜேந்திர பாலாஜியை தனிப்படை போலீசார் விருதுநகர் போலீசாரிடம் ஒப்படைத்தனர்.

அவருக்கு உதவியதாக கைது செய்யப்பட்ட பாஜக நிர்வாகி உட்பட 4பேர், முன்னாள் அமைச்சர் ராஜேந்திர பாலாஜி என 5 பேரும் பலத்த பாதுகாப்புடன் அனுப்பி விருதுநகர் அழைத்து வரப்பட்டு வருகின்றனர்.