குமரி மாவட்டத்தில் ஒரேநாளில் 2693 நபர்கள் மீது வழக்கு பதிவு
குமரி மாவட்டத்தில், வாகனச் சோதனையில் ஈடுபட்டுள்ள போலீசார்.
குமரிமாவட்டத்தில், போலீசார் நடத்திய வாகனச்சோதனையில், ஒரேநாளில் 2693 நபர்கள் மீது வழக்கு பதிவு செய்யப்பட்டது.
கொரோனா ஊரடங்கில் தமிழக அரசு பல்வேறு தளர்வுகளை அறிவித்துள்ள நிலையில், கன்னியாகுமரி மாவட்டம் முழுவதும் கடும் வாகன போக்குவரத்து நெரிசல் ஏற்பட்டுள்ளது. இதனிடையே, வாகன ஓட்டிகள் பலரும் தலைக்கவசம் அணியாமலும், உரிய ஆவணங்கள் இல்லாமலும், போக்குவரத்து விதிமுறைகளை மீறுவதும் அதிகரித்ததால், வாகனங்களால் விபத்துக்கள் அதிகரிக்கத் தொடங்கின.
இதையடுத்து, வாகன விபத்துக்களை தடுக்கும் நோக்கில், வாகன சோதனையை தீவிரப்படுத்தும்படி போலீசாருக்கு, கன்னியாகுமரி மாவட்ட காவல் கண்காணிப்பாளர் பத்ரி நாராயணன் உத்தரவிட்டார். அதன்படி, மாவட்டம் முழுவதும் நடைபெற்ற வாகனச்சோதனையில், தலைகவசம் இன்றியும், உரிய ஆவனங்கள் இன்றியும் போக்குவரத்து விதிமுறைகளை மீறியும் வந்த 2693 நபர்கள் மீது வழக்குகள் பதிவு செய்யப்பட்டுள்ளன.
Next Story
