பவானிசாகர் அணைக்கு நீர்வரத்து 498 கன அடியாக குறைவு

பவானிசாகர் அணையின் நீர்பிடிப்பு பகுதிகளில் மழை குறைந்து வருவதால் அணைக்கு வரும் நீர்வரத்து குறைந்து வருகிறது. கடந்த சில தினங்களுக்கு முன்பு அணைக்கு 2 ஆயிரம் கனஅடிக்கு மேல் தண்ணீர் வந்து கொண்டு இருந்தது. அது படிப்படியாக குறைந்து வருகிறது. இன்று காலை நிலவரப்படி பவானிசாகர் அணையின் நீர்மட்டம் 104.72 அடியாக இருந்தது. அணைக்கு 498 கனஅடி தண்ணீர் வந்து கொண்டு இருக்கிறது. அணையில் இருந்து கீழ்பவானி வாய்க்காலுக்கு 2 ஆயிரம் கன அடியும், அரக்கன்கோட்டை-தடப்பள்ளி வாய்க்காலுக்கு 500 கன அடியும், பவானி ஆற்றில் குடிநீருக்கு 100 கனஅடி என மொத்தம் 2 ஆயிரத்து 600 கன அடி தண்ணீர் வெளியேற்றப்பட்டு வருகிறது.