அந்தியூர் அருகே டிப்பர் லாரியில் மணல் கடத்தல்: ஒருவர் கைது

ஈரோடு மாவட்டம், அந்தியூரை அடுத்த கோவிலூர் செலம்பூர் அம்மன் கோயில் பகுதியில் ஓடை உள்ளது. மழைக் காலங்களில் இந்த ஓடையில் வெள்ளம் பெருக்கெடுத்துச் செல்லும். இதனால் ஓடையில் அதிக அளவில் மணல் தேங்கியுள்ளது. இந்நிலையில், ஓடையில் இருந்து மணல் கடத்தப்படுவதாக வருவாய்த் துறையினருக்கு ரகசியத் தகவல் கிடைத்து.

இதையடுத்து, இன்று காலை எண்ணமங்கலம் கிராம நிர்வாக அலுவலர் சதீஸ்குமார் சம்பவ இடத்தில் திடீர் சோதனை நடத்தினர். அப்போது, ஓடையில் இருந்து டிப்பர் லாரி மூலம் மணல் கடத்தப்படுவது தெரியவந்தது. இதையடுத்து, மணல் கடத்தலில் ஈடுபட்ட ஆப்பக்கூடல் மல்லியூரைச் சேர்ந்த சின்னசாமி (37), என்பவரை கைது செய்த போலீஸார், 2 யூனிட் மணல் மற்றும் கடத்தலுக்குப் பயன்படுத்திய லாரியை பறிமுதல் செய்தனர்.