சத்தியமங்கலம்: தாளவாடி அருகே பாட்டி-பேரன் படுகொலை; 2 பேரை பிடித்து போலீசார் தீவிர விசாரணை!
சத்தியமங்கலம் அடுத்த தாளவாடி அருகே பாட்டி, பேரன் படுகொலை செய்யப்பட்ட சம்பவத்தில், 2 பேரை பிடித்து போலீசார் தீவிர விசாரணை நடத்தி வருகின்றனர்.
ஈரோடு மாவட்டம் தாளவாடி தொட்டகாஜனூர் கிராமத்தை சேர்ந்தவர் மாதப்பா. இவரது மனைவி தொட்டம்மா. இருவரும் தொழிலாளிகள். இவரது மகன் ராகவன் (11), மகள் அமிர்தா (9). ராகவன் சூசைபுரம் அரசு உதவி பெறும் பள்ளியில் படித்து வருகிறார்.
இந்நிலையில் கடந்த 13ம் தேதி (ஞாயிற்றுக்கிழமை) இரவு ராகவன் அவரது பாட்டி சிக்கம்மா வீட்டில் இரவில் தூங்கி கொண்டிருந்தார். மறுநாள் காலை தனது அண்ணாவை காண தங்கை அமிர்தா பாட்டி வீட்டிற்கு சென்றுள்ளார். வீட்டில் உள்ளே பாத்த போது ராகவன் மற்றும் பாட்டி சிக்கம்மா இருவரும் ரத்த வெள்ளத்தில் இறந்து கிடந்தனர்.
இதைத் தொடர்ந்து, கொலை செய்த சம்பவ இடத்துக்கு டி.ஜ.ஜி. சசிமோகன், ஈரோடு மாவட்ட காவல் கண்காணிப்பாளர் சுஜாதா சம்பவ இடத்துக்கு விரைந்து சென்று ஆய்வு மேற்கொண்டனர். மோப்ப நாய் காவேரி மற்றும் கைரேகை நிபுணர்கள் தடயங்களை சேகரித்தனர்.
பின்னர், 2 பேர் உடலை மீட்டு பெருந்துறை அரசு மருத்துவனைக்கு பிரேத பரிசோதனைக்காக அனுப்பி வைத்தனர். கொலையாளியை பிடிக்க 4 தனிப்படைக்க அமைக்கப்பட்டது. நேற்று முன்தினமும் இரவு முழுவதும் மாவட்ட காவல் கண்காணிப்பாளர் தலைமையில் போலீசார் தொட்டாகாஜனூர், முழுவதும் ஆய்வு செய்தனர்.
தொடர்ந்து, அண்ணநகர் பகுதியில் இருந்த சி.சி.டி.வி. கேமராவை ஆய்வு செய்தனர். நள்ளிரவு நேரத்தில் அண்ணாநகர் பெட்ரோல் பங்கில் இருந்து நபர் ஒருவர் நடந்து சென்றது தெரிய வந்தது. அவரது அடையாளங்களை சேகரித்த போலீசார் விசாரணையில் பல்வேறு திடுக்கிடும் தகவல்கள் வெளியாக்கின. சொத்துக்காக இந்த கொலை நடந்தது தெரியவந்தது.
இது தொடர்பாக, கொலையுண்ட சிக்கம்மா பெண் உறவினர் ஒருவர், அவரது ஆண் நண்பர் இருவரும் சிக்கியுள்ளனர். இருவரிடமும் போலீசார் விசாரணையை தீவரப்படுத்தியுள்ளனர். விசாரணை முடிவில் எதற்காக இந்த கொலை நடந்தது என தெரியவரும் என போலீசார் தெரிவித்தனர்.
