அந்தியூர் அருகே மொபட் மோதியதில் முதியவர் உயிரிழப்பு

ஈரோடு மாவட்டம் அந்தியூர் அருகே உள்ள புதுப்பாளையம் பகுதியைச் சேர்ந்த சுப்பிரமணியம் (வயது 80). இவர் நேற்று மாலை புதுப்பாளையம் பகுதி அருகே உள்ள தனது தங்கை மகள் வீட்டிற்கு சென்றுவிட்டு திரும்பி தனது வீட்டிற்கு வந்து கொண்டிருந்தார். அப்போது, அந்தியூர் அருகே உள்ள சங்கராபாளையம் குள்ளவீரம்பாளையம் பகுதியைச் சேர்ந்த சாந்தலிங்கம் (வயது 40) என்பவர், தனது எக்ஸெல் சூப்பர் இருசக்கர வாகனத்தில், ஆலாம்பாளையத்தில் இருந்து அந்தியூர் நோக்கி வந்து கொண்டிருந்தார்.

அப்போது, எதிர்பாராதவிதமாக சுப்பிரமணியத்தின் மீது மோதியதில், கீழே விழுந்த முதியவர் தலை மற்றும் கை கால் பகுதிகளில் பலத்த காயம் ஏற்பட்டது. இதனையடுத்து, 108 ஆம்புலன்ஸ் மூலம் அந்தியூர் அரசு மருத்துவமனைக்கு கொண்டு சென்று முதல் சிகிச்சை பெற்று மேல் சிகிச்சைக்காக பெருந்துறை மற்றும் கோவை அரசு மருத்துவமனையில் சேர்க்கப்பட்டு சிகிச்சை பெற்று வந்தார். இந்நிலையில் நேற்று இரவு சிகிச்சை பலனின்றி சுப்பிரமணியம் இறந்துவிட்டார். இதுகுறித்து அந்தியூர் சப்-இன்ஸ்பெக்டர் வெங்கடாஜலபதி வழக்குப்பதிவு செய்து விசாரணை நடத்தி வருகிறார்.