/* */

ஈரோட்டில் உள்விளையாட்டு அரங்கம் உட்பட 82 புதிய திட்டங்கள் : அமைச்சர் முத்துசாமி

ஈரோட்டில் ரூ.35 கோடி மதிப்பீட்டில் உள்விளையாட்டு அரங்கம் உட்பட 82 புதிய திட்டங்கள் செயல்படுத்த ஆய்வு நடப்பதாக, அமைச்சர் முத்துசாமி கூறினார்.

HIGHLIGHTS

ஈரோட்டில் உள்விளையாட்டு அரங்கம் உட்பட 82 புதிய திட்டங்கள் : அமைச்சர் முத்துசாமி
X

ஈரோடு மாநகர் பகுதிக்குட்பட்ட மாருதி நகர், தெற்குபள்ளம் சாலை, பாரதி வித்யா நகர், பி.வி.பி பள்ளி சாலை உள்ளிட்ட இடங்களில் பாதாள சாக்கடைத்திட்டம் மற்றும் ஊராட்சி கோட்டை கூட்டு குடிநீர் திட்டத்திற்காக தோண்டப்பட்ட சாலைகளை சீரமைத்து புதிய தார் சாலைகள் அமைக்கும் பணிக்கான பூமி பூஜை நிகழ்ச்சி இன்று நடைபெற்றது.


இந்நிகழ்ச்சியில் கலந்து கொண்ட தமிழக வீட்டுவசதித்துறை அமைச்சர் முத்துசாமி 10.63 லட்சம் மதிப்பிலான பணிகளை பூமி பூஜையிட்டு தொடங்கி வைத்தார். இதனையடுத்து, சோலார் பகுதியில் அமைக்கப்பட உள்ள புதிய பேருந்து நிலையத்திற்கான இடங்களை நேரில் பார்வையிட்டு ஆய்வு மேற்கொண்டார்.

அதன்பின் செய்தியாளர்களிடம் பேசிய அமைச்சர் முத்துசாமி, ஈரோடு அடுத்துள்ள சோலார் பகுதியில் மாநகராட்சிக்கு சொந்தமான இடத்தில் 20 ஏக்கர் பரப்பளவில் புதிய பேருந்து நிலையம் அமைக்கப்படுவதோடு அதனுடன் சேர்த்து மொத்த காய்கறி விற்பனை சந்தை மற்றும் வெளியூர்களில் இருந்து வரும் சரக்கு வாகன நிறுத்துமிடம் அமைக்கப்படவுள்ளதாகவும் தெரிவித்தார்.

மேலும் 35 கோடி ரூபாய் மதிப்பீட்டு உள்விளையாட்டு அரங்கம் அமைப்பதற்கான ஆய்வு பணிகள் நடைபெற்று வருவதாகவும் சட்டக்கல்லூரி, விவசாயக் கல்லூரி ,மஞ்சள் ஆராய்ச்சி மையம், ஆட்டோமொபைல் நகரம் என 82 புதிய திட்டங்கள் செயல்படுத்த ஆய்வு பணிகள் மேற்கொள்ளப்பட்டு வருவதாகவும் கூறினார். இந்நிகழ்ச்சிகளில் மாவட்ட ஆட்சியர் கிருஷ்ணனுண்ணி, மாவட்ட காவல்துறை கண்காணிப்பாளர் சசிமோகன், மாநகராட்சி ஆணையாளர் இளங்கோவன் உட்பட துறை சார்ந்த அதிகாரிகள் பலர் கலந்து கொண்டனர்.

Updated On: 29 July 2021 7:30 AM GMT

Related News

Latest News

  1. லைஃப்ஸ்டைல்
    பெண்மை சக்தியைப் போற்றும் உலக மகளிர் தின வாழ்த்துக்கள்
  2. லைஃப்ஸ்டைல்
    பெண்மையை போற்றுவோம்..! வல்லமை வளரும்..!
  3. ஆன்மீகம்
    விநாயகனே... வினை தீர்ப்பவனே! - இனிய விநாயகர் சதுர்த்தி வாழ்த்துகளை...
  4. சினிமா
    Indian 2 டிரைலர் எப்ப ரிலீஸ் தெரியுமா?
  5. சிங்காநல்லூர்
    போலி ஆவணங்கள் மூலம் நிலத்தை அடமானம் வைத்து மோசடி செய்ததாக புகார்
  6. லைஃப்ஸ்டைல்
    பிறப்பை கொண்டாடுவோம் வாங்க..! பிறந்தநாள் வாழ்த்து சொல்வோமா..?
  7. வீடியோ
    🔴LIVE : சத்யராஜ் மீண்டும் சர்ச்சை பேச்சு | WEAPON Movie Press Meet...
  8. கோவை மாநகர்
    கோவை ஆட்சியர் அலுவலகத்தில் மேற்கூரை சரிந்து விபத்து ; டூவிலர்கள்
  9. கோவை மாநகர்
    இந்து மதம், இந்தி மொழி, இந்தி பேசும் மக்களுக்கு எதிரான கட்சி திமுக :...
  10. ஈரோடு
    பவானிசாகர் அணைக்கு நீர்வரத்து 1,192 கன அடியாக அதிகரிப்பு