சத்தியமங்கலம் சுற்று வட்டார பகுதிகளில் பலத்த மழை

சத்தியமங்கலம் மற்றும் அதன் சுற்றுவட்டார பகுதிகளான பவானிசாகர், புஞ்சைபுளியம்பட்டி, வடவள்ளி சிக்கரசம்பாளையம், அரியப்பம்பாளையம், பண்ணாரி உள்ளிட்ட பல்வேறு இடங்களில் இன்று அதிகாலை 3 மணி முதல் 6 மணி வரை கனமழை கொட்டி தீர்த்தது. இதன் காரணமாக பல்வேறு இடங்களில் மழைநீர் சாலைகளில் பெருக்கெடுத்து ஓடியது. பலத்தமழை காரணமாக சத்தியமங்கலம்-பவானிசாகர் சாலையில் மாரனூர் என்ற இடத்தில் திடீரென காட்டாற்று வெள்ளம் கரை புரண்டு ஓடியது. இதனால் சாலையில் தரை மட்ட பாலம் மூழ்கியது. இதன் காரணமாக அந்த பகுதியில் போக்குவரத்து பாதிப்பு ஏற்பட்டது.