தி.மு.க வேட்பாளர் முத்துசாமி ஓட்டு சேகரிப்பு
ஈரோடு மேற்கு தொகுதி தி.மு.க., வேட்பாளர் முத்துசாமி கிராமபுறங்களில் மக்களை சந்தித்து வாக்கு சேகரித்தார்.
ஈரோடு மேற்கு தொகுதி தி.மு.க., வேட்பாளர் முத்துசாமி, கதிரம்பட்டி, நஞ்சனாபுரம், பவளத்தாம்பாளையம், சின்னமேடு, வேப்பம்பாளையம் உள்ளிட்ட பல்வேறு கிராமப்பகுதியிலும், நசியனுார் பேரூராட்சி பகுதியிலும் கூட்டணி கட்சி நிர்வாகிகளுடன் சென்று ஓட்டு சேகரிப்பில் ஈடுபட்டார்.
கதிரம்பட்டி பகுதி வாக்காளர்களிடம், வேட்பாளர் முத்துசாமி பேசியதாவது: கிராமப்புற மக்களின் வாழ்வாதாரத்தை காக்கவும், குறிப்பாக பெண்களின் மேம்பாட்டுக்காக தி.மு.க., தேர்தல் அறிக்கையில் பல்வேறு வாக்குறுதிகள் தெரிவிக்கப்பட்டுள்ளது. பெண்களுக்கு மாதம் தோறும் 1,000 ரூபாய் உரிமைத்தொகை வழங்கப்படும், என தலைவர் ஸ்டாலின் அறிவித்துள்ளார். நகரங்களுக்கு இணையாக கிராமப்புறங்களில் அனைத்து வசதிகளும் மேம்படுத்த தி.மு.க நடவடிக்கை எடுக்கும் என திமுக திட்டங்களை எடுத்துக் கூறி வாக்கு சேகரித்தார்.
Next Story
