ஈரோடு மாவட்டத்தில் இன்று 77 பேருக்கு கொரோனா; இருவர் பலி

ஈரோடு மாவட்டத்தில் நேற்று 3 ஆயிரத்து 694 பேருக்கு பரிசோதனை செய்ததில் 82 பேருக்கு கொரோனா தொற்று இருந்தது. இந்த நிலையில் இன்று சுகாதாரத்துறை சார்பில் வெளியிடப்பட்ட பட்டியலின்படி, புதிதாக மேலும் 77 பேருக்கு கொரோனா தொற்று ஏற்பட்டுள்ளது. இதனால் மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 1 லட்சத்து 32 ஆயிரத்து 198 ஆக உயர்ந்தது.

மேலும் பல்வேறு மருத்துவமனைகளில் சிகிச்சை பெற்று வந்த 217 பேர் குணமடைந்து இன்று வீடு திரும்பினர். இதுவரை மாவட்டத்தில் 1 லட்சத்து 30 ஆயிரத்து 27பேர் தொற்றில் இருந்து மீண்டு உள்ளனர். மாவட்டத்தில் நேற்று 51 வயது ஆண் ஒருவரும், 50 வயது ஆண் ஒருவரும் கொரோனாவால் பாதிக்கப்பட்டு சிகிச்சை பலனின்றி உயிரிழந்தனர். இதுவரை 734 பேர் கொரோனாவுக்கு பலியாகி உள்ள நிலையில், தற்போது தொற்று உள்ள ஆயிரத்து 437 பேர் பல்வேறு மருத்துவமனைகளில் சிகிச்சை பெற்று வருகிறார்கள்.