ஈரோடு மாவட்டத்தில் இன்று புதிதாக 576 பேருக்கு கொரோனா: ஒருவர் பலி.

ஈரோடு மாவட்டத்தில் கொரோனா வைரஸ் பரவல் படிப்படியாக குறைந்து வருகிறது. நேற்று மாவட்டம் முழுவதும் 4 ஆயிரத்து 118 பேருக்கு பரிசோதனை செய்ததில் 689 பேருக்கு கொரோனா தொற்று இருந்தது. இந்த நிலையில் இன்று சுகாதாரத்துறை சார்பில் வெளியிடப்பட்ட பட்டியலின்படி புதிதாக 576 பேருக்கு கொரோனா தொற்று ஏற்பட்டுள்ளது.

இதனால் மாவட்டத்தில் கொரோனாவால் பாதிக்கப்பட்டவர்களின் எண்ணிக்கை 1 லட்சத்து 29 ஆயிரத்து 871 ஆக உயர்ந்தது. மேலும் பல்வேறு மருத்துவமனைகளில் சிகிச்சை பெற்று வந்த 915 பேர் குணமடைந்து இன்று வீடு திரும்பினர். இதுவரை மாவட்டத்தில் 1 லட்சத்து 21 ஆயிரத்து 488 பேர் தொற்றில் இருந்து மீண்டு உள்ளனர். 74 வயது மூதாட்டி ஒருவர் கொரோனாவால் பாதிக்கப்பட்டு சிகிச்சை பலனின்றி உயிரிழந்தார் . இதனால் மாவட்டத்தில் கொரோனாவுக்கு 726 பேர் பலியாகி உள்ளனர். இந்த நிலையில் தற்போது தொற்று உள்ள 7 ஆயிரத்து 657 பேர் பல்வேறு மருத்துவமனைகள் மற்றும் வீட்டுத் தனிமையிலும் சிகிச்சை பெற்று வருகிறார்கள்.