கோபி அருகே டி.என்.பாளையத்தில் சூதாட்டத்தில் ஈடுபட்ட 6 பேர் கைது

Crime News in Tamil -ஈரோடு மாவட்டம் கோபிசெட்டிபாளையம் அருகே பங்களாப்புதூர் போலீசார் நேற்று மாலை டி.என்.பாளையம் பகுதியில் ரோந்து வந்தனர். அப்போது அங்குள்ள கள்ளியங்காடு வாய்க்கால் பகுதியில் சட்டவிரோதமாக சிலர் சீட்டு விளையாடிக்கொண்டு இருப்பதை கண்டனர். இதனையடுத்து, அங்கு சீட்டு விளையாடிக் கொண்டு இருந்த தண்ணீர்பந்தல் பகுதியைச் சேர்ந்த ராஜேந்திரன் (வயது 55), வாணிபுத்தூரை சேர்ந்த பாலசுப்பிரமணி (47), சந்திரன் (38), டி.என்.பாளையத்தை சேர்ந்த பழனிச்சாமி (53), ராஜன் (39), ஆறுமுகம் (56) என்பவர் உள்பட 6 பேரை சுற்றிவளைத்து கைது செய்தனர். அவர்களிடம் இருந்து சூதாட்டப்பணம் ரூ.2 ஆயிரத்து 200 ரூபாயை போலீசார் பறிமுதல் செய்தனர்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2